କାମାକ୍ଷାନଗର: କାମାକ୍ଷାନଗର ଥାନା ଅନ୍ତର୍ଗତ ବାଲିଗୋରଡ଼ ପଞ୍ଚାୟତର ଖଟଖୁରା ଗ୍ରାମରେ ସୋମବାର ରାତିରେ ଏକ ସାପ କାମୁଡ଼ାରେ ଜଣେ ଯୁବକର ମୃତ୍ୟୁ ହୋଇଛି l ମୃତକ ଜଣକ ହେଲେ ଗ୍ରାମର ବୈକୁଣ୍ଠ ଦେହୁରୀଙ୍କ ପୁଅ ବୁଲାରୀ (୪୫) l ବୁଲାରୀ ସୋମବାର ରାତିରେ ଘରେ ଶୋଇଥିବା ବେଳେ ସାପ କାମୁଡି ଦେଇଥିଲା l ହେଲେ ବୁଲାରୀ ଏହା ଜାଣି ନପାରି ପୁଣି ଶୋଇ ପଡ଼ିଥିଲେ l ଶୋଇବାର କିଛି ସମୟ ପରେ ମୁଣ୍ଡ ବୁଲାଇବାରୁ ପରିବାର ଲୋକେ କାମାକ୍ଷାନଗର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଥିଲେ l ସେଠାରେ ଅବସ୍ଥା ଗୁରୁତର ହେବରୁ ଜିଲ୍ଲା ମୁଖ୍ୟ ଡକ୍ତରଖାନାକୁ ସ୍ଥାନାନ୍ତର କରାଯାଇଥିଲା l ହେଲେ ସେଠାରେ ବୁଲାରୀଙ୍କର ମୃତ୍ୟୁ ହୋଇଛି l ଗୁରୁତର ବୁଲାରୀଙ୍କୁ ସାପ କାମୁଡି ଥିବାର ଡାକ୍ତରଖାନା ସୂତ୍ରରୁ ଜଣାଯାଇଛି l ଖବର ପାଇ ପୁଲିସ ମୃତଦେହ ଜବତ କରିବା ପରେ ବ୍ୟବଚ୍ଛେଦ କରି ଏ ସଂକ୍ରାନ୍ତରେ ଏକ ମାମଲା ରୁଜୁ କରିଛି l ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି l
Popular Categories
Previous article
Next article