କାମାକ୍ଷାନଗର: କାମାକ୍ଷାନଗର ଉପଖଣ୍ଡର ଭୁବନ ଥାନା ଅଞ୍ଚଳର ବିଭିନ୍ନ ସ୍ଥାନରେ ଚୋରା ମଦ କାରବାର ହେଉଛି । ଏନେଇ ଢେଙ୍କାନାଳ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ଦେଶୀ ମଦ ଓ ପୋଚ ଜବତ କରାଯାଇଛି । ଘଟଣାରେ ଦୁଇ ଜଣ ଅଭିଯୁକ୍ତଙ୍କୁ ବିଭାଗ ପକ୍ଷରୁ ଗିରଫ କରାଯାଇଛି l ଦୁଇ ଅଭିଯୁକ୍ତଙ୍କ ମଧ୍ୟରୁ ଜଣେ ଚନ୍ଦାର ଗ୍ରାମର ବିରଞ୍ଚି ସାହୁ ହୋଇଥିବା ବେଳେ, ଅନ୍ୟ ଜଣକ ଏକତାଳି ଗ୍ରାମର ଯୁଗଳ କିଶୋର ବେହେରା ବୋଲି ଜଣାପଡ଼ିଛି । ସୂଚନା ମୁତାବକ ଭୁବନ ଅଞ୍ଚଳରେ ଅବାଧରେ ଚୋରା ଦେଶୀ ମଦ କାରବାର ହେଇ ଆସୁଛି l ଏହି ଖବର ପାଇ ଜିଲ୍ଲା ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିରଞ୍ଚିଙ୍କ ଘରୁ ୫୦ଲିଟର ଦେଶୀ ମଦ ଜବତ କରିଛି । ସେହିପରି ଯୁଗଳଙ୍କ ଘରୁ ୩୫ ଲିଟର ଦେଶୀ ମଦ ମିଳିଛି | ତେବେ ଉଭୟଙ୍କୁ ଅବକାରୀ ବିଭାଗ ଗିରଫ କରି କୋର୍ଟ ଚାଲଣ କରିଛି l
Comments are closed.