ବାଙ୍କୀ : ସୋମବାର ଦିନ ମହୋତ୍ସବ ମଣ୍ଡପ ପରିସରରେ ବାଙ୍କୀ ମହୋତ୍ସବ କମିଟି ପରିଚାଳନାରେ ଏକ ମନୋଜ୍ଞ ସାରସ୍ୱତ କବିତା ପାଠୋତ୍ସବ ଅନୁଷ୍ଠିତ ହୋଇଯାଇଛି । ଏହି କବିତା ପାଠୋତ୍ସବରେ ବାଙ୍କୀ ତଥା ବାଙ୍କୀର ପଡୋଶୀ ଅଞ୍ଚଳରୁ ୭୦ରୁ ଅଧିକ କବି ଓ କବୟିତ୍ରୀ ଯୋଗଦେଇ ସ୍ୱରଚିତ କବିତା ପାଠ କରିଥିଲେ । ଇଂ ସତ୍ୟବ୍ରତ ରଥଙ୍କ ସଭାପତିତ୍ୱରେ ସଞ୍ଚାଳିତ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ କବି ନାରାୟଣ ପାତ୍ର, ପାରିଷଦ ସନାତନ ବେହେରା, ମହୋତ୍ସବ କମିଟି ସମ୍ପାଦକ ଡଃ ଗଣେଶ୍ୱର ସ୍ୱାଇଁ, ବାଙ୍କୀ ଏନଏସି ଉପାଧ୍ୟକ୍ଷ ଓକିଲ ସନ୍ତୋଷ ରଣା, କବି କୌଶିକ ନାୟକ ଓ ସୌମେନ୍ଦ୍ର ମିଶ୍ର ପ୍ରମୁଖ ଯୋଗଦେଇଥିଲେ । କବିତା ଏକ ଆନନ୍ଦର ଉଚ୍ଚ୍ୱାସ ଏବଂ ସମାଜର ମଙ୍ଗଳ ପାଇଁ କବିର କଲମ ସତତ ଚାଲିଥାଏ ବୋଲି ବକ୍ତା ମାନେ ବକ୍ତବ୍ୟରେ ପ୍ରକାଶ କରିଥିଲେ । କବି ରବିନାରାୟଣ ମଙ୍ଗରାଜ ଏବଂ କବୟିତ୍ରୀ ଅମୂଲ୍ୟବାଳା ପଟ୍ଟନାୟକଙ୍କ ପରିଚାଳନାରେ ଅନୁଷ୍ଠିତ କବିତା ଉତ୍ସବରେ କବି ମନ୍ମଥ ସ୍ୱାଇଁ ଏବଂ କବି ନରୋତ୍ତମ ବେହେରା କବିତା ଆସର ସଞ୍ଜୋଜନା କରିଥିଲେ । ଅତିଥି ମାନଙ୍କ ଦ୍ୱାରା କବି ଗଙ୍ଗାଧର ଓଝାଙ୍କର କବିତା ପୁସ୍ତକ କାଳିଆ ମହିମା ଉନ୍ମୋଚିତ ହୋଇଥିଲା।
Popular Categories
Previous article
Next article