ବାଙ୍କୀ : ବାଙ୍କୀ ବ୍ଲକ ଅଧିନ ସୁବର୍ଣ୍ଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ସୋମବାର ଦିନ ବିଶ୍ୱ ମାନସିକ ସ୍ବାସ୍ଥ୍ୟ ଦିବସ ପାଳିତ ହୋଇଯାଇଛି । ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକ୍ଷକ ଡାକ୍ତର ଅମରେଶ ସାହୁ ଏହି ଅବସରରେ ଜନଜାଗରଣ ସୃଷ୍ଟି ପାଇଁ ସାଇକେଲ ଚଲାଇ ଜନସଚେତନ ପଦଯାତ୍ରାର ଶୁଭ ଉଦଘାଟନ କରି ନିଜେ ପ୍ରଚାରରେ ବାହାରିଥିଲେ। ସାଇକେଲ ଶୋଭାଯାତ୍ରା ସୁବଣର୍ଣ୍ଣପୁର ଗ୍ରାମ ପରିକ୍ରମା କରିଥିଲେ । ସ୍ଥାନୀୟ ଆଶା କର୍ମୀ, ସ୍ୱାସ୍ଥ୍ୟକର୍ମୀ ଏବଂ ଏନସିସି ଛାତ୍ର ମାନେ ପ୍ଲାକ କାର୍ଡ ଓ ବ୍ୟାନର ଧରି ପ୍ରଚାର କରିଥିଲେ । ସୁସ୍ଥ ସମାଜରେ ସୁସ୍ଥ ଭାବରେ ଜୀବନ ଯାପନ ପାଇଁ ନିଶାଦ୍ରବ୍ୟ ଠାରୁ ଦୂରେଇ ରହିବା, ସ୍ୱାସ୍ଥ୍ୟକର ଖାଦ୍ୟ ନିୟମିତ ଖାଇବା, ନିୟମିତ ଶାରୀରିକ ପରିଶ୍ରମ କରିବା, ମାନସିକ ଚାପରୁ ନିଜକୁ ନିବୃତ୍ତ ରଖିବା, ନିୟମିତ ଯୋଗ ଓ ବ୍ୟାୟାମ କରିବା, ସକାରତ୍ମକ କଥା ଚିନ୍ତା କରିବା, ଦୈନିକ ୬ ରୁ ୮ଘଣ୍ଟା ସୁନିଦ୍ରା ଯିବାପାଇଁ ସ୍ଲୋଗାନ ଦେଇ ପଦଯାତ୍ରା କରାଯାଇଥିଲା। ପରେ ପରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ଏହି ଦିବସର ଅନୁଚିନ୍ତା ଏବଂ ସ୍ୱାସ୍ଥ୍ୟକର୍ମୀ ଓ ଆଶା ମାନଙ୍କର ଗୁରୁ ଦାୟିତ୍ୱ ସମ୍ପର୍କରେ ଆଲୋଚନା କରାଯାଇଛି। ଡାକ୍ତର ଅମରେଶ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଜନସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ମାନଭଞ୍ଜନ ଦଳାଇ, ବିପିଏମ ସଂଗୀତା ଦାଶ, ବାମ୍ ଆଶିଷ ବିଭୁତିରାୟ ପ୍ରମୁଖ ଉପସ୍ଥିତ ଥିଲେ।
Comments are closed.