ଶତବୀର ସିଂ ରିୟାର ସୟଦ ମୁସ୍ତାକ ଅଲି ଟ୍ରଫି ପାଇଁ ଓଡ଼ିଶା ଦଳ ମ୍ୟାନେଜର

ଡେସ୍କ/ମାଲକାନଗିରି: ଲକ୍ଷ୍ନୌ ଠାରେ ବିସିସିଆଇ ଦ୍ୱାରା ଆୟୋଜିତ ହେବାକୁ ଥିବା ସୟଦ ମୁସ୍ତାକ ଅଲି ଟ୍ରଫିରେ ଭାଗ ନେଉ ଥିବା ଓଡ଼ିଶା ସିନିୟର ପୁରୁଷ ଦଳର ମ୍ୟାନେଜର ଭାବେ ମାଲକାନଗିରିର କ୍ରୀଡାବିତ ଶତବୀର ସିଂ ରିୟାର ମନୋନୀତ ହୋଇଛନ୍ତି। ଆସନ୍ତା ୮ ତାରିଖରୁ ଲକ୍ଷ୍ନୌ ଠାରେ ବିସିସିଆଇ ଦ୍ୱାରା ସାୟଦ ମୁସ୍ତାକ ଅଲି ଟ୍ରଫିରେ ଓଡ଼ିଶା କ୍ରିକେଟର ସିନିୟର ପୁରୁଷ ଟିମ ଭାଗ ନେବେ। ଏହି ଖେଳ ଆସନ୍ତା ୨୨ ତାରିଖ ଯାଏ ହେବ। ଓଡ଼ିଶା କ୍ରିକେଟ ଆସୋସିଏସନ ପକ୍ଷରୁ ଏହି ଦଳ ନିମନ୍ତେ ମ୍ୟାନେଜର ରୂପେ ମାଲକାନଗିରିର କ୍ରୀଡାବିତ ଶତବୀର ସିଂ ରିୟାରଙ୍କୁ ଚୟନ କରାଯାଇଛି। ରିୟାର ପୂର୍ବରୁ ମଧ୍ୟ ଅନେକ ଥର ଏହି ଦାୟିତ୍ୱ ସୂଚାରୁ ରୂପେ ତୁଲାଇ ଆସିଛନ୍ତି।