ଜୟପୁର: ଜୟପୁର ଟାଉନ ଥାନା ପାରାବେଡ଼ାରେ ଅଭାବନୀୟ ଘଟଣା। ଭାଇ ମରିବାର ୩ ଦିନ ପରେ ଭଉଣୀର ସନ୍ଦେହ ଜନକ ଭାବେ ମୃତ୍ୟୁ ହୋଇଛି। ୩ ଦିନ ତରେ ସ୍କୁଲ ପଢୁଆ ନାବାଳକ ଭାଇର ମୃତ୍ୟୁ ଘଟିଥିଲା। ଏହାର ୩ ଦିନ ପରେ ଇଞ୍ଜନିୟରିଂ ପଢୁଆ ଭଉଣୀର ମୃତ୍ୟୁ ହୋଇଛି। ସାନ ଭାଇଙ୍କର ଯେଉଁ ସମୟରେ ଓ ଯେଉଁ ସ୍ଥାନରେ ମୃତ୍ୟୁ ହୋଇଥିଲା, ଠିକ୍ ସେଇଠି ଏବଂ ସେହି ସମୟରେ ଭଉଣୀଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା। ଘର ଛାତରୁ ଇଞ୍ଜନିୟରିଂ ପଢୁଥିବା ଭଉଣୀର ମୃତଦେହ ଉଦ୍ଧାର କରାଯାଇଛି। ଉଭୟ ଭାଇଭଉଣୀର ମୃତ୍ୟୁର କାରଣ ଜଣାପଡ଼ି ନାହିଁ।
ଜୟପୁର ଟାଉନ ଥାନା ପାରାବେଡ଼ାରେ ଘର ଭଡ଼ା ନେଇ ରହୁଥିବା ଗଦାଧର ନାୟକଙ୍କ ପୁଅ ଶିବାଶିଷ ନାୟକ ସପ୍ତମ ଶ୍ରେଣୀରେ ପଢ଼ୁଥିଲେ। ତିନି ଦିନ ତଳେ ସେ ସ୍କୁଲରୁ ପରୀକ୍ଷା ଦେଇ ଘରକୁ ଆସିଥିଲା। ଏହାପରେ ସେ ଘରର ଛାତ ଉପକୁ ଚାଲି ଯାଇଥିଲା। କିଛି ସମୟ ପରେ ତା’ର ମୃତ୍ୟୁ ହୋଇଥିଲା। ଶିବାଶିଷ ନାୟକର ମୃତ୍ୟୁ ମଧ୍ୟାହ୍ନ ପ୍ରାୟ ୧୨ଟାରୁ ଅପରାହ୍ନ ଗୋଟାଏ ଭିତରେ ହୋଇଥିଲା। କେମିତି ମୃତ୍ୟୁ ହେଲା ସେ ସମ୍ପର୍କରେ ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ। ପୁଲିସ୍ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି।
