ରାଉରକେଲା : ରାଉରକେଲା ସିଭିଲ ଟାଉନସିପ ସ୍ଥିତ ଓମ୍ ଆପୋଲ ହସ୍ପିଟାଲରେ ଅଗ୍ନିକାଣ୍ଡ ଘଟିଛି । ଆଜି ସକାଳେ ହସ୍ପିଟାଲର ୩ୟ ମହଲାର ଥିବା ଶିଶୁ ବିଭାଗରେ ନିଆଁ ଲାଗିଯାଇଥିଲା। ହସ୍ପିଟାଲ କର୍ତ୍ତୃପକ୍ଷ ତୁରନ୍ତ ନିଆଁକୁ ଆୟତ୍ତ କରିଥିଲେ ଏବଂ ଅଗ୍ନିକାଣ୍ଡରେ ଆହତ ଶିଶୁଙ୍କୁ ଅନ୍ୟ ଏକ ଘରୋଇ ନର୍ସିଂହୋମକୁ ସ୍ଥାନାନ୍ତର କରାଯାଇଛି । ଅଗ୍ନିକାଣ୍ଡରେ ୬ ଦିନର ଶିଶୁ ଗୁରୁତର ହୋଇଥିବା ଜଣାପଡିଛି । ତେବେ ଅଗ୍ନିକାଣ୍ଡର କାରଣ ଏଯାବତ୍ ଜଣାପଡିନାହିଁ । ହସ୍ପିଟାଲ ପରିସରରେ ପୁଲିସ ମୁତୟନ କରାଯାଇଛି ।
