ପାରିବାରିକ ଅଶାନ୍ତିରୁ ଯୁବକଙ୍କ ଆତ୍ମହତ୍ୟା

ଖଣ୍ଡଗିରି : ଆଜି ଇମ୍ଫୋଭ୍ୟାଲି ଥାନା ପୁଲିସ ଜଣେ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର କରିଛି। ମୃତକ ଜଣକ ହେଲେ ଇମ୍ଫୋଭ୍ୟାଲି ଥାନା ଅନ୍ତର୍ଗତ ଯାଁଳା ଗ୍ରାମର ସିପୁନ ବାରିକ (୪୫)। ଋଣ କିସ୍ତି ଟଙ୍କା ସୁଝିବାକୁ ନେଇ ପାରିବାରିକ କଳହରୁ ଏପରି ଘଟିଥିବା ଜଣାପଡିଛି। ପ୍ରାଥମିକ ତଦନ୍ତରୁ ଏହା ଏକ ଆତ୍ମହତ୍ୟା ବୋଲି ପୁଲିସ ଜାଣିବାକୁ ପାଇଛି।
ମିଳିଥିବା ସୂଚନା ଅନୁସାରେ ସିପୁନ କିଛି ଅର୍ଥ ଲଗାଣ ସଂସ୍ଥାରୁ ଟଙ୍କା ଋଣ ଆଣିଥିଲେ। କାମ ଧନ୍ଦା ନଥିବାରୁ ଠିକ୍ ସମୟରେ କିସ୍ତି ପରିଷଦ କରିପାରୁନଥିଲେ ସିପୁନ। ତେଣୁ ଏହି ଋଣ କିସ୍ତି ଦେବାପାଇଁ ପରିବାର ମଧ୍ୟରେ ସବୁବେଳେ ଅଶାନ୍ତି ଲାଗିରହୁଥିଲା।ଆଜି ସକାଳେ ସିପୁନ ବଜାରକୁ ଆସି ଚାହା ପିଇ ଫୁଲ ତୋଳି ଘରକୁ ଫେରୁଥିଲେ। ଆଜି ଊଣର କିସ୍ତି ବାରି ଥିବାରୁ ଘରେ ଟଙ୍କା ମାଗିଥିଲେ। ଏନେଇ ସିପୁନ ଗତ କିଛି ଦିନ ପୂର୍ବରୁ ଚିନ୍ତାରେ ରହୁଥିଲେ।ଆଜି ପ୍ରାୟ ୭ଟା ବେଳେ ସିପୁନ ତାଙ୍କ ଗାଧୁଆ ଘରେ ଭିତର ପଟୁ କବାଟ ଦେଇ ବେକରେ ରଶି ଲଗାଇ ଝୁଲିପଡିଥିଲେ। କିଛି ସମୟ ପରେ ଘର ଲୋକ ସିପୁନଙ୍କୁ ଖୋଜିଥିଲେ।ଘର ଲୋକ ଗାଧୁଆ ଘର ଦେଖିବା ବେଳକୁ ସିପୁନ ବେକରେ ରଶି ଲଗାଇ ଝୁଲି ପଡିଥିଲେ। ସେତେବେଳକୁ ମୃତ୍ୟୁ ଘଟିସାରିଥିଲା। ଏନେଇ ଇମ୍ଫୋଭ୍ୟାଲି ଥାନାକୁ ଖବର ଦେଇଥିଲେ।ଖବର ପାଇ ଇମ୍ଫୋଭ୍ୟାଲି ଥାନା ପୁଲିସ ଘଟଣା ସ୍ଥଳରେ ପହଁଚି ଶବ ଜବତ କରି ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଇଥିଲେ।ଆଜି ଶବ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଛି ପୁଲିସ।ଶବ ବ୍ୟବଚ୍ଛେଦ ବିବରଣୀ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୁଲିସ ସୂତ୍ରରୁ ଜଣାପଡିଛି।