କ. ନୂଆଗାଁ: କନ୍ଧମାଳ ଜିଲ୍ଲା କ.ନୂଆଗାଁ ବ୍ଲକ୍ ଅନ୍ତର୍ଗତ କୁଡୁତୁଲି ସରପଞ୍ଚ ଶ୍ରୀଚନ୍ଦ୍ର ମଲ୍ଲିକଙ୍କୁ ମଦ ବିକ୍ରେତାଙ୍କ ମାଡ଼ ଅଭିଯୋଗ ଘଟଣାରେ କ. ନୂଆଗାଁ ପୁଲିସ ଦୁଇଜଣ ଆକ୍ରମଣକାରୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୂଚନା ପ୍ରକାରେ ଗତ କାଲି ସନ୍ଧ୍ୟାରେ ମଦ ବିକ୍ରିକୁ ବିରୋଧ କରି ବରାଳୀ ଦେବୀ ସଂୟ ସହାୟିକା ଗୋଷ୍ଠୀର ମହିଳା ମାନେ ମଦ ଜବତ କରିବାସହ ବିକ୍ରି ବନ୍ଦ କରିବା ପରେ ସ୍ଥାନୀୟ ସରପଞ୍ଚ ଶ୍ରୀଚନ୍ଦ୍ର ମଲ୍ଲିକଙ୍କୁ ଘଟଣାସ୍ଥଳକୁ ଡ଼କାଇଥିଲେ। ସରପଞ୍ଚ ଘଟଣାସ୍ଥଳରେ ପହଁଚି ବୁଝାସୁଝା କରିବା ସମୟରେ ମଦ ବିକ୍ରି କରୁଥିବା ଦୁଇ ଭାଇ ଗୁରୁବାରିଆ ଦିଗାଳ ଏବଂ ବିନାଶ ଦିଗାଳ ସରପଞ୍ଚଙ୍କୁ ଆକ୍ରମଣ କରିବା ସହ ଅଶ୍ଳିଳ ଭାଷାରେ ଗାଳିଗୁଲଜ କରିଥିଲେ। ଏନେଇ ଗୁରୁବାର କୁଡୁତୁଲି ଗ୍ରାମବାସୀ କ.ନୂଆଗାଁ ଥାନାରେ ଲିଖିତ ଅଭିଯୋଗ କରିବା ପରେ ଅଭିଯୋଗକୁ ଆଧାର କରି କ.ନୂଆଗାଁ ପୁଲିସ ଏକ ମାମଲା ରୁଜୁ କରି ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ତଦନ୍ତ କାରୀ ଆଇଓ ଏସ୍ଆଇ ଉମାଶଙ୍କର ପେଡେଣ୍ଟି ସୂଚନା ଦେଇଛନ୍ତି।
Popular Categories
Previous article
Next article