ଯୁବ ଅଲମ୍ପିକ୍‍ : ପୁରୁଷ ଓ ମହିଳା ହକିରେ ଭାରତକୁ ରୌପ୍ୟ

ବୁଏନ୍ସ ଏରିଜ୍‍ :  ଯୁବ ଅଲମ୍ପିକ୍‍ କ୍ରୀଡ଼ାରେ ଭାରତ ପୁରୁଷ ଓ ମହିଳା ହକିରେ ରୌପ୍ୟ ପଦକ ବିଜୟୀ ହୋଇଛି । ପୁରୁଷ ଫାଇନାଲରେ ଭାରତ ମଧ୍ୟାନ୍ତର ସୁଦ୍ଧା ଭାରତ ୨-୧ରେ ଅଗ୍ରଣୀ ଥିଲା। ତେବେ ଖେଳର ଶେଷ ଭାଗକୁ  ମାଲେସିଆ ଗୋଲ୍‍ ସ୍କୋର୍‍ କରି ୪-୨ରେ ଭାରତକୁ ପରାସ୍ତ କରି ସ୍ୱର୍ଣ୍ଣପଦକ ବିଜୟୀ ହୋଇଛି । 

ସେହିପରି ମହିଳା ଫାଇନାଲରେ ଆର୍ଜେଣ୍ଟିନା ଭାରତକୁ ୩-୧ରେ ପରାସ୍ତ କରି ସ୍ୱର୍ଣ୍ଣପଦକ ବିଜୟୀ ହୋଇଥିଲା।

ରବିବାର ସେମିଫାଇନାଲରେ ପୁରୁଷ ବିଭାଗରେ ଭାରତ ୩-୧ ଗୋଲ୍‍ରେ ଆର୍ଜେଣ୍ଟିନାକୁ ପରାସ୍ତ କରିଥିବା ବେଳେ ମହିଳା ବିଭାଗ ସେମିରେ ଚୀନ୍‍କୁ ୩-୦ ଗୋଲରେ ପରାସ୍ତ କରିଥିଲା।