ପାଟଣା: ଗାଁରେ ମଦ ବିକ୍ରିକୁ ବିରୋଧକରି ପାଟଣା ଅବକାରୀ ଥାନା ଘେରାଉ କରିଛନ୍ତି ଶତାଧିକ ମହିଳା। କେନ୍ଦୁଝର ଜିଲା ସାହାରପଡା ବ୍ଲକ ବାଇକଳା ପଞ୍ଚାୟତ ବାଲିତୋଟା ଗ୍ରାମର ଶତାଧିକ ମହିଳା ବାଇକଳା ଗ୍ରାମପଞ୍ଚାୟତ ସରପଞ୍ଚ ହରିହର ନାଏକ ଓ ସମିତି ସଭ୍ୟା ରଜନୀଗନ୍ଧା ନାଏକଙ୍କ ନେତୃତ୍ବରେ ଗ୍ରାମରେ ହେଉଥିବା ଅବାଧ ମଦ ବିକ୍ରିକୁ ବିରୋଧକରି ପାଟଣା ଅବକାରୀ ଥାନା ଘେରାଉ କରିଛନ୍ତି। ଏହି ଅବସରରେ ଏହାକୁ ଅବାଧ ମଦ ବନ୍ଦ କରିବାକୁ ଏକ ଦାବିପତ୍ର ପାଟଣା ଅବକାରୀ ଥାନା ଅଧିକାରୀ ରମେଶ ଚନ୍ଦ୍ର ମହାନ୍ତିଙ୍କୁ ପ୍ରଦାନ କରିଥିଲେ। ବାଲିତୋଟା ଗ୍ରାମରେ ଅବାଧ ମଦ ବିକ୍ରିକୁ ଗ୍ରାମର ମହିଳାମାନେ ବିରୋଧ କରିଥିଲେ। ଏହାଫଳରେ ମଦ ମାଫିଆମାନେ ମହିଳାମାନଙ୍କୁ ଖରାପ ଭାଷା ଗାଳିଗୁଲଜ କରିଥିଲେ। ତେଣୁ ସେମାନେ ବାଧ୍ୟ ହୋଇ ପାଟଣା ଅବକାରୀ ଥାନା ଘେରାଉ କରିଥିଲେ। ପାଟଣା ଅବକାରୀ ଥାନା ଅଞ୍ଚଳ ଏବେ ଚୋରା ମଦ ବେପାରୀଙ୍କ ପାଇଁ ଅଭୟାରଣ୍ୟ ପାଲଟିଥିବାରୁ ଏଭଳି ଅବସ୍ଥା ସୃଷ୍ଟି ହୋଇଥିବା ଦେଖାଯାଇଛି।
Popular Categories
Previous article
Next article