ସମ୍ବଲପୁର: ସାମାଜିକ ଗଣମାଧ୍ୟମରେ ବ୍ରାଣ୍ଡେଡ କମ୍ପାନୀର ନକଲି ସାମ୍ପୁ ସମ୍ବଲପୁର ସହରରେ ବିକ୍ରି ହେଉଥିବାର ଏକ ଭିଡିଓ ଭାଇରାଲ ହେବାରେ ଲାଗିଛି । ଜଣେ ୧୫/୧୬ ବର୍ଷିୟ ଯୁବକ ନକଲି ସାମ୍ପୁ ବିକ୍ରି କରୁଥିବା ବେଳେ କିଛି ବ୍ୟକ୍ତିଙ୍କ ନଜରରେ ପଡିଛନ୍ତି । ବଜାରରେ ବିକ୍ରି ହେଉଥିବା ସାମ୍ପୁ ଉପରେ ବଡ ବଡ ବ୍ରାଣ୍ଡେଡ କମ୍ପାନୀର ନାମ ଲେଖା ଥିବା ବେଳେ ସେହି ଡବା ଗୁଡିକ ଭିତରୁ ପୋଡା ମୋବଲି ଭଳି ଜିନିଷ ବାହାରୁ ଥିବାର ଭିଡିଓରେ ସ୍ପଷ୍ଟ ଦେଖାଯାଉଛି ।
ଉକ୍ତ ଯୁବକଟି ସ୍ଥାନୀୟ ଲୋକଙ୍କ ଦ୍ୱାରା ଧରାଯିବା ପରେ ପଚରାଉଚୁରା ସମୟରେ ସେ ଓ ତାଙ୍କର ଆଉ ଜଣେ ସାଥି ସମ୍ବଲପୁରକୁ ଆସି ଏଭଳି ସାମଗ୍ରୀ ବିକ୍ରି କରୁଥିବାର କହୁଛନ୍ତି । ଧରାପଡିଥିବା ଯୁବକ ଜଣକ ୨ଟି ବୋତଲ ନକଲି ସାମ୍ପୁ ବିକ୍ରି କରିଥିବାର କହୁଛନ୍ତି । ଉକ୍ତ ଯୁବକ ତାଙ୍କର ନାମ ନଜୀମ ଏବଂ ତାଙ୍କର ଘର ଉତ୍ତର ପ୍ରଦେଶ ଏବଂ ସେ ଉତ୍ତର ପ୍ରଦେଶର ଆଗ୍ରାରୁ ଉକ୍ତ ନକଲି ସାମଗ୍ରୀ ତାଙ୍କର ଜଣେ ସାଙ୍ଗ ସହିତ ସମ୍ବଲପୁରକୁ ବିକ୍ରି କରିବା ଉଦ୍ଦେଶ୍ୟରେ ଆସିଥିବାର କହିଛନ୍ତି । ଏହି ଭିଡିଓ ସାମାଜିକ ଗଣମାଧ୍ୟମରେ ଅପଲୋଡ ହେବା ପରେ ଭାଇରାଲ ହେଉଛି ।
Comments are closed.