ନୂଆଦିଲ୍ଲୀ: ଆଫଗାନିସ୍ତାର କାବୁଲରେ ପୁଣି ଥରେ ବଡ଼ ଧରଣର ବିସ୍ଫୋରଣ ହୋଇଛି । ଗତକାଲି ସଂଧ୍ୟାରେ ଏକ ମସଜିଦ୍ ନିକଟରେ ବିସ୍ଫୋରଣ ହୋଇଥିବା ବେଳେ ଏଥିରେ ୨୧ ଜଣଙ୍କ ମୃତ୍ୟୁ ଘଟିଛି । ୬୦ରୁ ଅଧିକ ଲୋକ ଆହତ ମଧ୍ୟ ହୋଇଛନ୍ତି । ସୂଚନା ମୁତାବକ କାବୁଲର ଏକ ମସଜିଦ୍ ନିକଟରେ ସଂଧ୍ୟା ସମୟରେ ପ୍ରାର୍ଥନା କରୁଥିବା ବେଳେ ଏହି ବିସ୍ଫୋରଣ ହୋଇଥିଲା । ପରେ ପରେ ବିସ୍ଫୋରଣ ଯୋଗୁ ୨୧ଜଣଙ୍କ ମୃତ୍ୟୁ ଘଟିଥିବା ବେଳେ ୬୦ରୁ ଅଧିକ ଲୋକ ଆହତ ହୋଇଥିଲେ ।
ବିସ୍ଫୋରଣର ଏତେ ଶକ୍ତିଶାଳୀ ଥିଲା ଯେ ନିକଟରେ ଥିବା ଘରର ଝରକା ଭାଙ୍ଗି ପଡ଼ିଥିବା ମଧ୍ୟ ଜାତୀୟ ଗଣମାଧ୍ୟମ ତାର ରିପୋର୍ଟରେ କହିଛି । ଘଟଣାକୁ ନେଇ ତାଲିବାନର ଜଣେ ଅଧିକାରୀ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି କି, ଏହି ବିସ୍ଫୋରଣରେ ମୃତକଙ୍କ ମଧ୍ୟରେ ମସଜିଦ୍ର ଇମାମ ମଧ୍ୟ ରହିଛନ୍ତି । ଏବଂ ଆହତଙ୍କ ମଧ୍ୟରେ କିଛି ଶିଶୁ ରହିଥିବା ମଧ୍ୟ ସେ ସୂଚନା ଦେଇଛନ୍ତି । ବର୍ତ୍ତମାନ ସୁଦ୍ଧା ବିସ୍ଫୋରଣ କିପରି ଘଟିଲା ଓ କିଏ ଘଟାଇଛି ତାହାର କାରଣ ଜଣାପଡ଼ିନଥିବା ବଳେ ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
