ବେଜିଂ. – ଉଇଘୁର ମୁସଲିମଙ୍କ ଉପରେ ଚୀନସରକାର ବାରମ୍ବାର ଅକଥନୀୟ ଅତ୍ୟାଚାର କରୁଥିବା ଅଭିଯୋଗ ହୋଇ ଆସୁଛି । ଏବେ ଏହି ସଂଖ୍ୟା ଲଘୁ ଗୋଷ୍ଠୀଙ୍କୁ ଚୀନ ସରକାର ବିଭିନ୍ନ ପ୍ରଶିକ୍ଷଣ ଶିବିରରେ ଅଟକ ରଖିଥିବା ତଥ୍ୟ ସାମ୍ନାକୁ ଆସିଛି । ଚୀନ ସରକାର ବି ଏହାକୁ ସ୍ୱୀକାର କରିଛନ୍ତି ।
ଉଇଘୁରମାନେ ଆତଙ୍କବାଦୀ କାର୍ଯ୍ୟକଳାପ କରୁଥିବା ଅଭିଯୋଗ କରି ଚୀନ ସରକାର ବିଭିନ୍ନ ଲୋକଙ୍କୁ ଗିରଫ କରିଥିଲେ। ପରେ ଏମାନଙ୍କର କୌଣସି ଖୋଜ ଖବର ମିଳି ନ ଥିଲା । ଏବେ ଉଇଘୁର ମୁସଲିମମାନଙ୍କୁ ଜୋର ଜବର ଦସ୍ତ ବିଭିନ୍ନ ପ୍ରଶିକ୍ଷଣ ଶିବିରେ ଅଟକ ରଖାଯାଇଥିବା ଅଭିଯୋଗ ହୋଇଛି । ମାତ୍ର ପୂର୍ବୁରୁ ଜାତିସଂଘ କରିଥିବା ଅଭିଯୋଗକୁ ଚୀନ ଖଣ୍ଡନ କରିଛି । ଉଇଘୁର ବାସିନ୍ଦାଙ୍କୁ କୌଣସି ଗୁପ୍ତ ସ୍ଥାନରେ ରଖାଯାଇଥିବା ଅଭିଯୋଗକୁ ଚୀନ ସରକାର ଅସ୍ୱୀକାର କରିଛନ୍ତି । ୧୦ ଲକ୍ଷ ଉଇଘୁର ମୁସଲମାନଙ୍କୁ ଚୀନ ସରକାର ଗୁପ୍ତ ସ୍ଥାନରେ କରି ରଖିଥିବା ଅଭିଯୋଗ ହୋଇଥିଲା । ଏବେ ଚୀନ ଉଇଘୁରମାନଙ୍କ ଘରେ କ୍ୱିଆର୍ କୋଡ୍ ଲଗାଇବା ସହି ବିଭିନ୍ନ ଅତ୍ୟାଧୁନିକ ଉପାୟରେ ନଜର ରଖିବା ପାଇଁ ବ୍ୟବସ୍ଥା କରିଛନ୍ତି ।