କେଶ ପାଇଁ କେତେକ ଜାଣିବା କଥା

ସଭିଁଙ୍କୁ ଘନ,କଳା ଓ ରେଶମୀ କେଶ ବେଶ୍‍ ପସନ୍ଦ। ତେବେ କିଛି ଏଭଳି ଉପାୟ ବିଷୟରେ ଜାଣନ୍ତୁ ,ଯାହା କେଶ ପାଇଁ ଖୁବ ଉପକାରୀ..
ପଇଡ – ପଇଡ ପାଣି ସ୍ୱାସ୍ଥ୍ୟ ପାଇଁ ବେଶ ହିତକାରକ ବୋଲି ସଭିଏଁ ଜାଣନ୍ତି। ତେବେ ଏହା କେଶ ପାଇଁ ମଧ୍ୟ ଖୁବ ଉପକାରୀ। ଏଥିରେ ଆଣ୍ଟିଅକ୍ସିଡାଣ୍ଟ, ଆମିନୋ ଏସିଡ୍, ଏନଜାଇମ୍, ଭିଟାମିନ୍ ବି, ଭିଟାମିନ୍ ସି, କ୍ୟାଲସିୟମ୍, ପୋଟାସିୟମ୍, ମ୍ୟାଗ୍ନେସିୟମ୍ ଏବଂ ଜିଙ୍କ୍ ଭରପୁର ମାତ୍ରାରେ ରହିଛି। ବିଶେଷଜ୍ଞଙ୍କ ଅନୁଯାୟୀ, କ୍ଷୀର ଭଳି ପଇଡ ପାଣି ମଧ୍ୟ ଖୁବ ଉପକାରୀ।
କେଶରୁ ରୂପି ଦୂର ପାଇଁ ତଥା କେଶ ଜନିତ ଅନେକ ସମସ୍ୟା ଦୂର କରିଥାଏ। କେଶ ପାଇଁ ଏହାକୁ ବିଭିନ୍ନ ଉପାୟରେ ବ୍ୟବହାର କରି ପାରିବା।
କେଶକୁ ମଜଭୂତ କରିବା ପାଇଁ ଓ କେଶ ଝଡା ରୋକିବା ପାଇଁ କେଶ ମୂଳରେ ପଇଡ ପାଣି ମାଲିସ କରନ୍ତୁ। ସପ୍ତାହକୁ ୨ ରୁ ୩ ଦିନ ଏହାକୁ ବ୍ୟବହାର କଲେ ନିଜେ ଏହାର ଚମତ୍କାରିତା ଅନୁଭବ କରିବେ।
କେଶ ମୂଳ କୁଣ୍ଡାଇ ହେଉଥିଲେ, ଏହି ସମସ୍ୟାରୁ ମୁକ୍ତି ପାଇବାକୁ ପଇଡ ପାଣି ଖୁବ ଲାଭଦାୟକ। ଏହା କେଶ ମୂଳକୁ ପୋଷକ ତତ୍ତ୍ୱ ଯୋଗାଇବା ସହ ଏହି ସମସ୍ୟା ଦୂର କରେ।
ପଇଡ ପାଣିର ବ୍ୟବହାର କେଶକୁ ନରମ ଓ ରେଶମୀ କରିଥାଏ। କେଶ ମୂଳକୁ ମଧ୍ୟ ଅନେକ ସଂକ୍ରମଣରୁ ରକ୍ଷା କରିଥାଏ।
ପଇଡ ପାଣିରେ ଲେମ୍ବୁ ରସ ମିଶାଇ ଏହାକୁ କେଶ ମୂଳ ଓ କେଶରେ ଭଲ ଭାବେ ଲଗାନ୍ତୁ। ୨୦ ମିନିଟ ରଖିବା ପରେ କେଶ ଧୋଇ ଦିଅନ୍ତୁ। ଏହି ଉପାୟ ସପ୍ତାହକୁ ୨ ଥର କରନ୍ତୁ।
ପଇଡ ପାଣିରେ ଏକ ଚାମଚ ସେଓ ସିରକା ମିଶାନ୍ତୁ। ଏହାକୁ କେଶରେ ଲଗାଇ ୧୦ ମିନିଟ ରଖିବା ପରେ ଧୋଇ ଦିଅନ୍ତୁ।
ଅଦା ଏକ ଆଣ୍ଟିବ୍ୟାକ୍ଟେରିଅଲ ଔଷଧ ଅଟେ। ଏଥିରେ ଆଣ୍ଟିଅକ୍ସିଡ଼ାଣ୍ଟ ଭରପୁର ମାତ୍ରାରେ ରହିଛି। ଫଳରେ ଏହାର ପ୍ରାକୃତିକ ଗୁଣ କେଶ ଉପୁଡ଼ିବା ସମସ୍ୟାକୁ ଦୂର କରିଥାଏ। ଅଦାର ରସ ସହ ଲେମ୍ବୁ ରସକୁ ମିଶାଇ କେଶରେ ଲଗାନ୍ତୁ। ଏହାକୁ ଲଗାଇ କିଛି ସମୟ ରଖିବା ପରେ ଭଲ ଭାବେ କେଶକୁ ଧୋଇ ଦିଅନ୍ତୁ। ଏହାକୁ ଲଗାଇବା ଦ୍ୱାରା କେଶ ଝଡ଼ିବା ବନ୍ଦ ହେବା ସହ ନୂତନ କେଶ ସୃଷ୍ଟି ହୋଇଥାଏ।
ସପ୍ତାହକୁ ୨ ଥର ଏହାକୁ ବ୍ୟବହାର କରନ୍ତୁ। ଏହା ଛଡ଼ା ଆପଣ ନିଜ ଖାଦ୍ୟରେ ମଧ୍ୟ ଅଦାକୁ ସାମିଲ କରନ୍ତୁ। ଏପରି କରିବା ଦ୍ୱାରା କେଶ ଜନିତ ସମସ୍ତ ସମସ୍ୟା ଦୂର ହୋଇଥାଏ।