ସମ୍ବଲପୁର: ସମ୍ବଲପୁରୀ ସଙ୍ଗୀତ ନିର୍ଦ୍ଦେଶକ ଶ୍ରୀରାମ ଲୁହାର ଙ୍କ ଅକାଳ ବିୟୋଗରେ ହୀରାଖଣ୍ଡ ସାମୁଖ୍ୟର ଏକ ଶୋକସଭା ଅନୁଷ୍ଠାନର ସଭାପତି ଡ. ପରେଶ ଚନ୍ଦ୍ର ଦାନୀଙ୍କ ଅଧ୍ୟକ୍ଷତାରେ ଓଡ଼ିଶା ସାଂସ୍କୃତିକ ସମାଜର ସମ୍ମିଳନୀ କକ୍ଷରେ ମଙ୍ଗଳବାର ଆୟୋଜିତ ହୋଇଯାଇଛି। ସନ୍ଧ୍ୟା ୬ଟା ୩୦ରେ ଆୟୋଜିତ ଏହି ଶୋକସଭାରେ ସ୍ୱର୍ଗତ ଲୁହାର ସମ୍ବଲପୁରୀ ସଙ୍ଗୀତ ଜଗତରେ ଜଣେ ଅଗ୍ରଣୀ ନିର୍ଦ୍ଦେଶକ ଥିଲେ। ତାଙ୍କର ନିର୍ଦ୍ଦେଶନାରେ ରେକର୍ଡିଂ ହୋଇଥିବା ଗୀତ ‘ଆମର ପଡ଼ାକେ ନାଇଁ ଆଏବୁ ବୁଲି’, ‘ପଖନ ଉପରେ ଝରନ’, ‘କେତେ ଲୁକାବ’ ଆଦି ଲୋକପ୍ରିୟ ସଙ୍ଗୀତ ହୀରାଖଣ୍ଡ ଅଞ୍ଚଳରେ ଜନତାଙ୍କ ମନରେ ଗଭୀର ଛାପ ଛାଡିଛି। ସେ ଆକାଶବାଣୀର ଜଣେ ସ୍ୱିକ୍ତୃତିପ୍ରାପ୍ତ ଗାୟକ ଓ ସଙ୍ଗୀତ ନିର୍ଦ୍ଦେଶକ ଥିଲେ। ସମ୍ବଲପୁର ବ୍ୟତିତ ସ୍ୱର୍ଗତ ଲୁହାର ଓଡିଆ ଓ ହିନ୍ଦିରେ ମଧ୍ୟ କଣ୍ଠଦାନ କରି ନିଜକୁ ଲୋକପ୍ରିୟ କରି ପାରିଥିଲେ। ସେ ବିଶେଷକରି ଯୁବ ପିଢ଼ିଙ୍କ ମଧ୍ୟରେ ବେଶ ଆଦୃତ ଥିଲେ। ତାଙ୍କର ବିୟୋଗ ସମ୍ବଲପୁରୀ ସଙ୍ଗୀତ ଜଗତ ପାଇଁ ଏକ ଅପୂରଣୀୟ କ୍ଷତି ଅଟେ। ଏଣୁ ହୀରାଖଣ୍ଡ ସାମୁଖ୍ୟ ତାଙ୍କ ବିୟୋଗରେ ମର୍ମାହତ ଓ ପରିବାରବର୍ଗଙ୍କୁ ଏହି ଦୁଃଖଦ ସମୟରେ ସମବେଦନା ଜଣାଉଛି। ଶୋକସଭାରେ ସମ୍ପାଦକ ସରୋଜ ଦାଶ, ପ୍ରଶାନ୍ତ କୁମାର ପାଟ୍ଟଯୋଶୀ, ଅଶୋକ ମିଶ୍ର, ଅଖିଳ ପଟ୍ଟନାୟକ, ପ୍ରଶାନ୍ତ ମିଶ୍ର, ପ୍ରଫୁଲ୍ଲ ହୋତା, ଦୀନବନ୍ଧୁ ପଣ୍ଡା, ସରେଖା ସାହୁ, ପଙ୍କଜିନୀ ମେହେର ପ୍ରମୁଖ ଉପସ୍ଥିତ ରହି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
Popular Categories
Previous article
Next article