ବଡ଼ମ୍ବା: ଏହି ବ୍ଲକ ଅନ୍ତର୍ଗତ ଭଟ୍ଟାରିକା ଅବସରପ୍ରାପ୍ତ କର୍ମଚାରୀ ସଂଘ ପାଳନ କରିଛନ୍ତି ଆଜାଦୀକା ଅମୃତ ମହୋତ୍ସବ। ଶୁକ୍ରବାର ଏହି ଉପଲକ୍ଷେ ସଂଘର ସଭାପତି ଶ୍ରୀଧର ପୁହାଣଙ୍କ ଅଧ୍ୟକ୍ଷତାରେ ସ୍ଥାନୀୟ ଉନ୍ନିତ ଉଚ୍ଚ ବିଦ୍ୟାଳୟ ସମ୍ମିଳନୀ କକ୍ଷରେ ଏକ ସଭା ଅନୁଷ୍ଠିତ ହୋଇଯାଇଛି। ସଂଘର ସଦସ୍ୟ ତଥା ସେବାନିବୃତ ଶିକ୍ଷା ନିର୍ଦେଶକ ସନାତନ ବେହେରା ଏହି ଅବସରରେ ଆଜାଦୀକା ଅମୃତ ମହୋତ୍ସବ ଏବଂ ଏହା ପାଳନ କରିବାର ତାତ୍ପର୍ଯ୍ୟ ଉପରେ ଅଭିଭାଷଣ ପ୍ରଦାନ କରିଥିଲେ। ବିଦ୍ୟାଳୟରେ ଉତ୍ତମ ଶୈକ୍ଷିକ ବାତାବରଣ ଅପରିହାର୍ଯ୍ୟ ଏ ସମ୍ପର୍କରେ ଏହି ଅବସରରେ ଆଲୋଚନା କରାଯାଇଥିଲା। ସଂଘର ଆମନ୍ତ୍ରଣ କ୍ରମେ ଭଟ୍ଟାରିକା, କରଡ଼ିବନ୍ଧ ଏବଂ ସଂଲଗ୍ନ ବିଦ୍ୟାଳୟର ବହୁ ଶିକ୍ଷକ ଶିକ୍ଷୟତ୍ରୀ ଯୋଗଦେଇ ଆଲୋଚନାରେ ଅଂଶଗ୍ରହଣ ପୂର୍ବକ ସେମାନଙ୍କ ଅଭିମତ ପ୍ରଦାନ କରିଥିଲେ। ସେହିଭଳି ସଂଘର ଉପସଭାପତି ଦେବରାଜ ନାୟକ, ସଦସ୍ୟ ଗୋଲକବିହାରୀ ସାହୁ, ଅନ୍ତର୍ଯ୍ୟାମି ପୁହାଣ, ଇନ୍ଦ୍ରମଣି ବାରିକି ପ୍ରମୁଖ ନିଜନିଜର ମତପୋଷଣ କରିଥିଲେ। କାର୍ତ୍ତିକଚନ୍ଦ୍ର ପୁହାଣଙ୍କ ଧନ୍ୟବାଦ ପ୍ରଦାନ ସହିତ ସଭାକାର୍ଯ୍ୟ ସମ୍ପନ ହୋଇଥିଲା।
Popular Categories
Previous article
Next article