ମୁମ୍ବାଇ: ବର୍ତ୍ତମାନର ସମୟରେ ହୋଟେଲର ଖାଇବା ପ୍ରାୟ ଅଧିକାଂଶ ଲୋକ ପସନ୍ଦ କରୁଛନ୍ତି । ସ୍ୱିଗୀ ଓ ଜୋମାଟୋ ପରି ଖାଦ୍ୟ ବିତରଣ ସଂସ୍ଥା କମ୍ ସମୟରେ ଗ୍ରାହକଙ୍କ ଘରେ ଖାଦ୍ୟ ପହଞ୍ଚାଇ ଦେଉଛନ୍ତି । ହେଲେ ଆପଣ ସ୍ୱିଗୀ ହେଉ କି ଜୋମାଟୋ ସଂସ୍ଥାର ଖାଦ୍ୟ ବିତରଣ କରୁଥିବା ପିଲା ମାନେ ସାଇକେଲ ଓ ବାଇକ୍ ଚଢ଼ି ଘରେ ଘରେ ଖାଦ୍ୟ ପହଞ୍ଚାଉଥିବା ଦେଖିଥିବେ ଏବଂ ଜଣିଥିବେ ମଧ୍ୟ । ହେଲେ ଏଠି ଜଣେ ସ୍ୱିଗୀ ବୟ କିପରି ଘୋଡ଼ା ଚଢ଼ି ଗ୍ରାହକଙ୍କ ନିକଟରେ ଖାଦ୍ୟ ପହଞ୍ଚାଉଛନ୍ତି ଦେଖନ୍ତୁ ।
ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାର ଲାଗିଛି । ଭିଡିଓରେ ଦେଖିବାକୁ ମିଳିଛି ଯୁବକ ଜଣକ ଏକ ଧଳା ଘୋଡ଼ାରେ ଯାତ୍ରା କରୁଛନ୍ତି । ଆଉ କାନ୍ଧରେ ରହିଛନ୍ତି ସ୍ୱିଗୀର ବ୍ୟାଗ୍ । ଭିଡିଓଟି ମୁମ୍ବାଇର ହୋଇଥିବା ଜଣାପଡ଼ିଥିବା ବେଳେ ବର୍ଷାରେ ଯୁବକ ଜଣକ ଟ୍ରାଫିକ୍ ଅତିକ୍ରମ କରୁଥିବା ଦେଖିବାକୁ ମିଳିଛି ।
