ଭୁବନେଶ୍ୱର : ପୁରୀରେ ବନ୍ଦ ପାଳନ ବେଳେ ଆଇନଶୃଙ୍ଖଳା ନିୟନ୍ତ୍ରଣ ବାହାରକୁ ଚାଲି ଯାଇଥିଲା। ଆନ୍ଦୋଳନକାରୀଙ୍କ ଲଙ୍କାକାଣ୍ଡ ଯୋଗୁଁ ବଡଦାଣ୍ଡରେ ବ୍ୟାପକ ହିଂସାକାଣ୍ଡ ହେବାସହିତ ଲୁଟ୍ତରାଜ ଘଟଣାକୁ ନେଇ ଏବେ ଗୃହବିଭାଗ ପକ୍ଷରୁ ତର୍ଜମା ଚାଲିଛି। ଆଇନଶୃଙ୍ଖଳା ପରିସ୍ଥିତି ସମ୍ଭାଳିବାରେ ପୁରୀ ପୁଲିସ ଠିକଣା ପଦକ୍ଷେପ ନେଇ ନଥିବାନେଇ ସାଧାରଣରେ ସମାଲୋଚନା ହେଉଥିବାରୁ ଏଥିପାଇଁ ପୁରୀ ଆରକ୍ଷୀ ଅଧୀକ୍ଷକଙ୍କୁ ବଦଳି କରିବାପାଇଁ ବିଭିନ୍ନ ମହଲରୁ ସ୍ୱର ଉଠିଛି। ଏଭଳି ଅଭାବନୀୟ ଘଟଣା ଶ୍ରୀଜଗନ୍ନାଥ ପ୍ରେମୀଙ୍କୁ ଆଘାତ
ଦେଇଛି। ଏହାକୁ ନେଇ ଗୃହ ବିଭାଗ ପକ୍ଷରୁ ପୁରୀ ଆରକ୍ଷୀ ଅଧୀକ୍ଷକ ଡ. ସାର୍ଥକ ଷଡ଼ଙ୍ଗୀଙ୍କୁ ବଦଳି କରିବାପାଇଁ ପ୍ରକ୍ରିୟା ଆରମ୍ଭ ହୋଇଛି। ଏନେଇ ଗୃହ ବିଭାଗ ପକ୍ଷରୁ ମୁଖ୍ୟମନ୍ତ୍ରୀଙ୍କ ଅନୁମୋଦନ ନିମନ୍ତେ ଫାଇଲ ପଠାଯାଇଥିବା ବିଶ୍ୱସ୍ତ ସୂତ୍ରରୁ ଜଣାଯାଇଛି।
ସୂଚନାଯୋଗ୍ୟ ଯେ ଜଗନ୍ନାଥ ସେନା ପକ୍ଷରୁ ବନ୍ଦ ପାଳନ ବେଳେ ବିକ୍ଷୋଭକାରୀମାନେ ବିଭିନ୍ନ ସ୍ଥାନରେ ପୋଡାଜଳ କରିବା ସହିତ ପୁରୀ ଏସ୍ପି ଓ ଜିଲାପାଳଙ୍କ ଉପରକୁ ଆକ୍ରମଣ କରିବା ସାଙ୍ଗକୁ ସ୍ଥାନୀୟ ବିଧାୟକ ତଥା ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତିଙ୍କ ଘର ଭିତରକୁ ଧସେଇ ପଶିଥିଲେ। ଏହାସହିତ ପୁରୀ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ବ୍ୟାପକ ଭଙ୍ଗାରୁଜା ଓ ଲୁଟ୍ପାଟ୍ କରିଥିଲେ।
ବଦଳିବେ ପୁରୀ ଏସ୍ପି !
Popular Categories
Previous article
Next article