ବୌଦ୍ଧ : ପଶ୍ଚିମ ଓଡ଼ିଶା ବିକାଶ ପରିଷଦର ମୁଖ୍ୟକାର୍ଯ୍ୟନିର୍ବାହୀ ଅଧିକାରୀ ଅଜିତ କୁମାର ମିଶ୍ର ଦିନିକିଆ ବୌଦ୍ଧଜିଲା ଗସ୍ତରେ ଆସି ଜିଲାର ବହୁ ଚର୍ଚ୍ଚିତ ପର୍ଯ୍ୟଟନସ୍ଥଳୀ ପାତାଳୀ ଶ୍ରୀକ୍ଷେତ୍ର ନାୟକପଡା ଗୁମ୍ପା ଓ ପ୍ରସ୍ତାବିତ ପ୍ରାକୃତିକ ଉଦ୍ୟାନ ପକଳ୍ପ ନନ୍ଦନବନ ପରିଦର୍ଶନ କରିଥିଲେ। ହରଭଙ୍ଗା ବ୍ଳକ ବାମଣ୍ଡା ପଞ୍ଚାୟତର ନାୟକପଡା ଗୁମ୍ଫାର ପ୍ରାକୃତିକ ପରିବେଶ ଶ୍ରୀମିଶ୍ର ବୁଲି ଦେଖିବା ସହିତ ଏହାକୁ ପର୍ଯ୍ୟଟନ ସ୍ଥଳୀ ଭାବରେ ଜିଲା ପ୍ରଶାସନ ପକ୍ଷରୁ ଜାରି ରହିଥିବା ବିଭିନ୍ନ ବିକାଶମୂଳକ କାର୍ଯ୍ୟକୁ ମଧ୍ୟ ପ୍ରଶଂସା କରିଥିଲେ। ସେହିପରି ବୀରନରସିଂହପୁରଠାରେ ପ୍ରାସ୍ତାବିତ ନନ୍ଦନବନ ପ୍ରାକୃତିକ ଉଦ୍ୟାନ ପ୍ରକଳ୍ପ ଅଞ୍ଚଳ ବୁଲି ଦେଖିବା ସହିତ ଏହି ପ୍ରକଳ୍ପ ସଂପୁର୍ଣ୍ଣ ହେଲେ ରାଜ୍ୟର ଏକ ପ୍ରମୁଖ ପର୍ଯ୍ୟଟନ କେନ୍ଦ୍ର ଭାବରେ ପରିଗଣିତ ହେବ ବୋଲି ପ୍ରକାଶ କରିଥିଲେ। ବୌଦ୍ଧ ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଅଶ୍ୱିନୀ କୁମାର ମେହେର ଶ୍ରୀମିଶ୍ରଙ୍କୁ ଉଭୟ ସ୍ଥାନ ଓ ପ୍ରକଳ୍ପର ଗୁରୁତ୍ୱ ସଂପର୍କରେ ଅବଗତ କରାଇଥିଲେ।
Popular Categories
Previous article
Next article