ମୋହନା : ଗଜପତି ଜିଲା ମୋହନା ଥାନା ଅନ୍ତର୍ଗତ ପଦ୍ମପୁର ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ଅଫିସ କାର୍ଯ୍ୟାଳୟରେ ପଶି ନିଆଁ ଲଗାଇ ବହୁ କାଗଜ ପତ୍ର ସମେତ ଆସବାବପତ୍ର ପୋଡି ଦେଲେ ଦୁର୍ବୁତ୍ତ। ବିଳମ୍ବିତ ରାତିରେ ଘଟିଛି ଏଭଳି ଘଟଣା। କିଛି ଦୁର୍ବୁତ୍ତ ଅଫିସ କାର୍ଯ୍ୟାଳୟର ତାଲା ଭାଙ୍ଗି ଭିତରେ ପଶି ଅଲମିରାକୁ ଭାଙ୍ଗି ଦେବା ସହ ବହୁ ଦରକାରୀ ନଥିପତ୍ର ଓ ବିଦ୍ୟାଳୟ ରେଜିଷ୍ଟର ସମେତ ଆସବାବପତ୍ର ପୋଡି ନଷ୍ଟ କରିଦେଇଛନ୍ତି। ବିଦ୍ୟାଳୟର ପ୍ରଧାନ ଶିକ୍ଷକ ଏନେଇ ମୋହନା ଥାନାରେ ଲିଖିତ ଅଭିଯୋଗ କରିଥିବା ବେଳେ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଶିକ୍ଷାନୁଷ୍ଠାନ ଭିତରେ ପଶି କିଏ ଏଭଳି କାଣ୍ଡ ଭିଆଇଛି, ଏହା ପଛର ରହସ୍ୟ କ’ଣ ତାହା ଗ୍ରାମବାସୀଙ୍କୁ ବିସ୍ମିତ କରିଛି। ପୁଲିସ ତଦନ୍ତ କରି ଦୋଷୀକୁ ଉଚିତ ଦଣ୍ଡ ଦେବାପାଇଁ ପ୍ରଧାନ ଶିକ୍ଷକ ଯୋହନ କୁମାର ଗମାଙ୍ଗଙ୍କ ସମେତ ଶିକ୍ଷା କମିଟି ବୃନ୍ଦ ଦାବି କରିଛନ୍ତି।
Popular Categories
Previous article
Next article