ଦ୍ୱାରଶୁଣି: ମୟୂରଭଞ୍ଜ ଜିଲା ଝାରପୋଖରିଆ ଥାନା ଉଚ୍ଚଗାଁ ଗ୍ରାମର ଢ଼ିପାସାହିରେ ଗୁରୁବାର ରାତିରେ ଅଗ୍ନିକାଣ୍ଡ ଘଟି ମା’ ସହ ଦୁଇ ଶିଶୁ ଜୀବନ୍ତ ଦଗ୍ଧ ଘଟଣାର ରହସ୍ୟ ଉପରୁ ପରଦା ହଟିଛି। ପାରିବାରିକ ଅଶାନ୍ତିରୁ ନିଜ ସ୍ତ୍ରୀ ଓ ଦୁଇ ପିଲାଙ୍କୁ ତଣ୍ଟି ଚିପି ହତ୍ୟା କରିବା ପରେ ନିଆଁ ଲଗାଇ ଜାଳି ଦେଇଥିବା ନିଜେ ସ୍ବାମୀ ମଙ୍ଗଲ ମାର୍ଣ୍ଡି(୩୧) ପୁଲିସ ଆଗରେ ସ୍ବୀକାର କରିଛି। ପୁଲିସ ମଙ୍ଗଲକୁ ଆଜି ଗିରଫ କରି କୋର୍ଟ ଚାଲାଣ କରିଛି।
ସୂଚନା ଅନୁଯାୟୀ ପୁଲିସ ଉକ୍ତ ରାତିରେ ଘର ଭିତରେ ଗୋଟିଏ ଖଟରେ ମଙ୍ଗଲର ପତ୍ନୀ ସୁରୁକୁନି ମାର୍ଣ୍ଡି(୨୪) ଓ ଅନ୍ୟ ଏକ ଖଟରେ ଝିଅ ସରିତା ମାର୍ଣ୍ଡି(୬) ଓ ୩ ମାସର ପୁଅ ଶୋଇଥିଲେ। କପଡା ଦ୍ୱାରା ସ୍ତ୍ରୀର ତଣ୍ଟି ଚିପି ହତ୍ୟା କରିବା ପରେ ଝିଅ ଓ ପୁଅର ତଣ୍ଟି ଚିପି ମାରିଦେଇଥିଲା ମଙ୍ଗଲ। ଏତିକିରେ ବି ତା’ର ରାଗ ଶାନ୍ତ ହୋଇ ନ ଥିଲା। ପରବର୍ତ୍ତୀ ସମୟରେ ଘର ବାକ୍ସ ଭିତରୁ ଲୁଗାପଟା ଓ ବିଭିନ୍ନ କାଗଜପତ୍ର ଖଟ ଉପରେ ଓ ତଳେ ରଖି ନିଆଁ ଲଗେଇ ଦେଇ ବାହାରକୁ ପଳାଇ ଆସିଥିଲା ବୋଲି ସେ ସ୍ୱୀକାର କରିଛି । ଘଟଣାସ୍ଥଳରୁ ଅନୁସନ୍ଧାନୀ ଦଳ ଦିଆସିଲ କାଠି ଓ ବେକରେ ଲାଗିଥିବା କପଡା ଓ ଦଉଡି ଜବତ କରିଛି ବୋଲି ଏସଡିପିଓ କେକେ ହରିପ୍ରସାଦ କହିଛନ୍ତି। ଯାହାକୁ ଭିତ୍ତିକରି ମଙ୍ଗଲକୁ କୋର୍ଟ ଚାଲାଣ କରିଛି ଝାରପୋଖରିଆ ପୁଲିସ। ଘଟଣାର ଅଧିକ ତଦନ୍ତ ଜାରି ରହିଛି।
‘ତଣ୍ଟି ଚିପି ମାରିବା ପରେ ନିଆଁ ଲଗେଇ ଦେଲି’
Popular Categories
Previous article
Next article