ଗଞ୍ଜାମ: ଶନିବାର ସନ୍ଧ୍ୟାରେ ଗଞ୍ଜାମ ଏସପି କାର୍ଯ୍ୟାଳୟ ସମ୍ମୁଖରେ ଜଣେ ଯୁବକ ନିଜ ଶରୀରରେ ପେଟ୍ରୋଲ ଢାଳି ନିଆଁ ଲଗାଇ ଆତ୍ମହୁତି ଉଦ୍ୟମ କରିବା ଘଟଣା । ଆଜି ଭୁବନେଶ୍ୱରରେ ଚିକିତ୍ସାଧୀନ ଅବସ୍ଥାରେ ଯୁବକ ଜଣକଙ୍କ ମୃତ୍ୟୁ ହୋଇଛି । ମୃତକଜଣକ ହେଲେ ରମ୍ଭା ଥାନା ଅଧିନ ବୋରିଗାଁ ଗ୍ରାମର ବାଦଲ ସାହୁ । ଗତକାଲି ଆତ୍ମହୁତି ଉଦ୍ୟମ କରିବା ପରେ ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ଛତ୍ରପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ପରେ ତାଙ୍କୁ ବ୍ରହ୍ମପୁର ଡାକ୍ତରଖାନା ନିଆଯାଇଥିଲା । ହେଲେ ଅଧିକ ଚିକିତ୍ସା ପାଇଁ ପରେ ତାଙ୍କୁ ପୁଣି ଭୁବନେଶ୍ୱରକୁ ପଠାଯାଇଥିଲା । ହେଲେ ଆଜି ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ତାଙ୍କୁ ନ୍ୟାୟ ମିଳିନଥିବାରୁ ସେ ଏହିଭଳି କାର୍ଯ୍ୟ କରିଛନ୍ତି ବୋଲି କହିଥିଲେ । ତାଙ୍କ ପରିବାରକୁ ଗ୍ରାମବାସୀ ମାନେ ବାସନ୍ଦ କରିଥିବା ସେ ଅଭିଯୋଗ କରିଥିଲେ । ଗତକାଲି ସନ୍ଧ୍ୟାରେ ସେ ନ୍ୟାୟ ମିଳିବା ଆଶା ନେଇ ଗଞ୍ଜାମ ଏସପିଙ୍କୁ ଭେଟିଥିଲେ ।
Popular Categories
Previous article
Next article