ବଲାଙ୍ଗିର, -ବଲାଙ୍ଗିର ଜିଲାର କଳା ଓ ଖେଳ ଶିକ୍ଷକ ମହାସଂଘ ପକ୍ଷରୁ ଜିଲା ପ୍ରକଳ୍ପ କାର୍ଯ୍ୟାଳୟରେ କଳା ଓ ଖେଳ ଶିକ୍ଷକ ପଦ ପାଇଁ ଆବେଦନ କରିଥିବା ଯୁବକ ଯୁବତୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି । ଦୀର୍ଘ ୨ ବର୍ଷ ହେଲା ସେମାନେ କଳା ଓ ଖେଳ ଶିକ୍ଷକ ପାଇଁ ଆବେଦନ କରିଥିଲେ ବି ଯୋଗ୍ୟ ତାଲିକା ପ୍ରକାଶ ପାଇ ନାହିଁ । ଏନେଇ ଅନେକ ଥର ଶିକ୍ଷା ଅଧିକାରୀଙ୍କୁ ଜଣାଇଥିଲେ ବି କୌଣସି ପଦକ୍ଷେପ ନିଆଯାଇ ନାହିଁ ।
କରୋନା ପାଇଁ ବନ୍ଦ ରହିଥିବା ସେମାନଙ୍କୁ ଦର୍ଶାଯାଇଛି । ତେବେ ଉପର ଅଧିକାରଙ୍କଠାରୁ କିଛି ନିର୍ଦ୍ଦେଶ ଆସି ନାହିଁ । ଆମେ କିଛି କରିପାରିବୁ ନାହିଁ ବୋଲି ଜିଲା ଶିକ୍ଷାଧିକାରୀ ମତ ଦେଉଥିବା ଅଭିଯୋଗ ହୋଇଛି । ସମସ୍ତ ଜିଲାର ଯୋଗ୍ୟ ତାଲିକା ପ୍ରକାଶ ପାଇ ନାହିଁ । ସେଥିପାଇଁ ଆବେଦନ କରିଥିବା ଯୁବକ, ଯୁବତୀମାନେ ୨ ଦଫା ଦାବି ଜିଲା ପ୍ରକଳ୍ପ କାର୍ଯ୍ୟାଳୟ ସମ୍ମୁଖରେ ପ୍ରଦର୍ଶନ କରିଥିଲେ । ଦାବି ପୂରଣ ନହେଲେ ଆନ୍ଦୋଳନ ଜୋରଦାର କରିବେ ବୋଲି ଚେତାବନୀ ଦେଇଛନ୍ତି ।
