ପୁରୀ/ଗୋପ: ବିବାହ ଶୋଭାଯାତ୍ରାରେ ଟେଣ୍ଟ ମାଲିକଙ୍କୁ କଟୁରୀରେ ହାଣି ହତ୍ୟା ଘଟଣାରେ ଉତ୍ତେଜନା ଲାଗିରହିଛି । ଘଟଣାସ୍ଥଳରେ ଏବେ ବି ଉତ୍ତ୍ୟକ୍ତ ଲୋକ ଟାୟାର ଜାଳି ରାସ୍ତାରୋକ କରିଛନ୍ତି । ବେଗୁନିଆ ଛକରେ ଉତ୍ତ୍ୟକ୍ତ ଲୋକ ମାନେ ରାସ୍ତାରୋକ କରିଥିବା ବେଳେ ରାସ୍ତା ଉପରେ ଗାଡ଼ିଗୁଡ଼ିକ ଛିଡ଼ା ହୋଇଥିବା ଦେଖିବାକୁ ମିଳିଛି ।
ସୂଚନା ଅନୁଯାୟୀ ଗୋପ ଥାନା ଅଧିନ ବେଦପୁର ପଞ୍ଚାୟତ ସ୍ଥିତ ବାଳିକନ୍ଦଳ ଗ୍ରାମରେ ବାହାଘର ରୋଷଣୀରେ ଯାଉଥିବା ଡିଜେ ଗାଡିରେ ଟେଣ୍ଡ କପଡା ଲାଗିଯାଇ ଚିରିଯାଇଥିଲା । ପରେ ଏହାକୁ ନେଇ ବଚସା ହୋଇଥିଲା । ବଚସା ଉଗ୍ରରୂପ ଧାରଣ କରିବାରୁ ଟେଣ୍ଡ ହାଉସ ମାଲିକଙ୍କୁ ହତ୍ୟା କରାଯାଇଥିଲା । ହତ୍ୟା ପରେ ଡିଜେ ଗାଡି ଚଢାଇ ଦେଇ ଡ୍ରାଇଭର, ଡିଜେ ମାଲିକ ଫେରାର ହୋଇଯାଇଥିଲେ । ବିଳମ୍ବିତ ରାତି ପର୍ଯ୍ୟନ୍ତ କନ୍ୟାଘର ନିକଟରେ ମୃତ ବ୍ୟକ୍ତିଙ୍କ ଗ୍ରାମବାସୀ ହୋହଲା କରିଥିବା ବେଳେ ପୁଲିସ କର୍ମଚାରୀଙ୍କୁ ମଧ୍ୟ ଠେଲାପେଲା କରାଯାଇଥିଲା । ଏହି ଘଟଣାକୁ ନେଇ ଜଣଙ୍କୁ ଗୋପ ପୁଲିସ ଅଟକ ରଖିଥିବା ଜଣାପଡିଛି ।
Comments are closed.