ଗୁରୁଡିଝାଟିଆ : ଗୁରୁଡିଝାଟିଆ ଥାନା ଅନ୍ତର୍ଗତ କୁମାରପୁରରେ ମହାବୀର ସାଂସ୍କୃତିକ ପରିଷଦ ପକ୍ଷରୁ ଶ୍ରୀରାମଲୀଳା ପରିବେଷଣ କରାଯାଉଛି । ବୁଧବାର କଖଡିର ମା ହିଙ୍ଗୁଳାୟୀ ରାମଲୀଳା ପ୍ରଚାର ଓ ପ୍ରସାର ସମିତିର କଳାକାରମାନେ ମହିରାବଣ ବଧ ଅତି ଚମତ୍କାର ଭାବରେ ପରିବେଷଣ କରି ଉପସ୍ଥିତ ରାମଳୀଳା ପ୍ରେମୀଙ୍କ ଚିତ୍ତହରଣ କରିଥିଲେ। ଗାଁର ଉତ୍ସାହୀ ଯୁବକ ଓ ଅନୁଷ୍ଠାନ ଉଦ୍ୟୋକ୍ତା ଶ୍ରୀକାନ୍ତ କୁମାର ନାୟକ ,ରମାକାନ୍ତ ସାହୁଙ୍କ ପ୍ରତ୍ୟେକ୍ଷ ତତ୍ୱାବଧାନରେ ମହାବୀର ସାଂସ୍କୃତିକ ପରିଷଦର ସଦସ୍ୟମାନେ କାର୍ଯ୍ୟକ୍ରମକୁ ସୁଚାରୁରୂପେ ସଂପାଦନ କରିଥିବା ବେଳେ କଖଡି ଗ୍ରାମ୍ୟ କମିଟି ସଭାପତି ଦିଲ୍ଳିପ ଛତାର, ପୂର୍ବତନ ସମିତି ସଭ୍ୟ ନରେନ୍ଦ୍ର କୁମାର ସାହୁ, ନିର୍ଦ୍ଦେଶକ ମାୟାଧର ଦଳାଇ, ସଂଗୀତଜ୍ଞ କୁବେର ଚରଣ ସାହୁ, ସାମ୍ବାଦିକ ଶ୍ୱେତକାନ୍ତ ବେହେରା ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ । ଏହି ଅବସରରେ ଅନୁଷ୍ଠାନ ପକ୍ଷରୁ ଶ୍ରୀରାମ ବନବାସ, ବାଳିବଧ ପରିବେଷଣ କରାଯାଇଥିବା ବେଳେ ଗୋବିନ୍ଦପୁର ରାମଲୀଳା ସମିତି ଶ୍ରୀରାମଜନ୍ମ ଲୀଳା ପରିବେଷଣ କରିଥିଲେ।
