ନୂଆଦିଲ୍ଲୀ : କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ଦ୍ୱାରା ପରିଚାଳିତ ଏମବିବିଏସ ଏବଂ ବିଡିଏସ ପାଠ୍ୟକ୍ରମ ଲାଗି ଚଳିତ ବର୍ଷର ଜାତୀୟ ଯୋଗ୍ୟତା ତଥା ପ୍ରବେଶିକା ପରୀକ୍ଷା ଏନଇଇଟି-୨୦୧୮ ମେ ମାସ ୬ ତାରିଖରେ ହେବ । ଗୁରୁବାର ଠାରୁ ଅନ୍ଲାଇନ୍ ଆବେଦନପତ୍ର ଦାଖଲ ଆରମ୍ଭ ହୋଇଛି । ମାର୍ଚ୍ଚ ୯ ତାରିଖ ପର୍ଯ୍ୟନ୍ତ ଅନ୍ଲାଇନ୍ ପଞ୍ଜିକରଣ ଚାଲିବା ନେଇ ସିବିଏସଇର ନାମଲେଖା ନୋଟିସ୍ରେ ଦର୍ଶାଯାଇଛି ।
ଅନ୍ଲାଇନ୍ ଫି’ ଦାଖଲର ଶେଷଦିନ ମାର୍ଚ୍ଚ ୧୦ ତାରିଖ ରହିଛି । ତେବେ ଆସାମ, ଜାମ୍ମୁ କାଶ୍ମୀର ଓ ମେଘାଳୟର ଆବେଦନକାରୀମାନଙ୍କୁ ଛାଡ଼ି ବାକି ସମସ୍ତଙ୍କ ଲାଗି ଆଧାର ନମ୍ବର ବାଧ୍ୟତାମୂଳକ କରାଯାଇଛି । ଆବେଦନକାରୀମାନଙ୍କର ନାମ, ଜନ୍ମ ତାରିଖ, ସେମାନେ ବାଳକ କିମ୍ବା ବାଳିକା ତାହାର ପ୍ରମାଣ ଯଦି ଆଧାର ନମ୍ବର ସହ ମେଳ ନ ଖାଇବ, ତାହେଲେ ଫର୍ମ ପୂରଣ କରାଯାଇ ପାରିବ ନାହିଁ ।
ଛାତ୍ରଛାତ୍ରୀମାନେ ବୋର୍ଡ ୱେବ୍ସାଇଟ୍ www.cbscneet.nic.inରେ ଆବେଦନ କରି ପାରିବେ ବୋଲି ସିବିଏସଇ ପକ୍ଷରୁ କୁହାଯାଇଛି ।