ଆଠଗଡ: ଆଠଗଡ ଥାନା ଅନ୍ତର୍ଗତ ଗୁଡୁପଡା ଠାରେ ଭାରତ ଫାଇନାସ କର୍ମଚାରୀଙ୍କ ଠାରୁ ଦୁବୃତ୍ତ ମାନେ ଟଙ୍କା ଲୁଟି ନେଇଥିବାର ଅଭିଯୋଗ ହୋଇଛି। ଭାରତ ଫାଇନାସ କମ୍ପାନୀର କ୍ଷେତ୍ର ପରିଚାଳକ ସିଦ୍ଧାନ୍ତ ପ୍ରଧାନ ଆଜି ସକାଳ ପ୍ରାୟ ୮ ଟା ସମୟରେ ଆଙ୍କୁଲା, ବୁଦ୍ଧିଆପାଟଣା ରଘୁନାଥପୁର ଏବଂ ଗୁଡୁପଡା ଗ୍ରାମକୁ ଋଣ ବଣ୍ଟନ କରିବା ପାଇଁ ଯାଇଥିଲେ। ଋଣ ବଣ୍ଟନ ଏବଂ ଋଣ ଟଙ୍କା ଆଦାୟ ସାରି ଆଠଗଡ କାର୍ୟ୍ୟାଳୟକୁ ଫେରୁଥିବା ବେଳେ ଦିନ ପ୍ରାୟ ୧୨.୪୦ ମିନିଟ ସମୟରେ ଗୁଡୁପଡା ରାସ୍ତାରେ ଏକ କଳା-ନାଲି ରଙ୍ଗର ନମ୍ବର ବୀହିନ ପଲସର ମୋଟର ସାଇକେଲରେ ତିନିଜଣ ଦୁବୃତ୍ତ ଆସି ସିଦ୍ଧାନ୍ତଙ୍କୁ ଆକ୍ରମଣ କରିଥିଲେ ଏବଂ ବ୍ୟାଗରେ ଥିବା ୯୧, ୨୯୧ ଟଙ୍କା ଛଡାଇ ନେବା ସହିତ ଗୋଟିଏ ସାମସଙ୍ଗ ଟ୍ୟାବ ଫୋନ ଏବଂ ଅନ୍ୟାନ୍ୟ କାଗଜପତ୍ର ଛଡାଇ ନେଇ ଶଙ୍କରପୁର ଆଡକୁ ପଳାଇ ଆସିଥିଲେ। ଏ ସମ୍ପର୍କରେ ଆଠଗଡ ଥାନାରେ ଏତଲା ହେବାପରେ ପୋଲିସ ଘଟଣା ସ୍ଥଳକୁ ଯାଇ ଶଙ୍କରପୁର ବଜାରରେ ଥିବା ସିସିଫୁଟେଜ ଯାଞ୍ଚ କରିବା ସହିତ ତଦନ୍ତ ଆରମ୍ଭ କରିଛି ବୋଲି ଥାନା ଅଧିକାରୀ ବାମଦେବ ସ୍ବାଇଁ ସୂଚନା ଦେଇଛନ୍ତି।
Comments are closed.