ଗୋପାଳପୁର: ମହାମାରୀ କରୋନା କଟକଣା ଲାଗି ୨ ବର୍ଷ ଧରି ବନ୍ଦ ରହିଥିବା ଗୋପାଳପୁରରେ ରବିବାର ସନ୍ଧ୍ୟା ସାଂସ୍କୃତିକ କାର୍ୟ୍ୟକ୍ରମକୁ ଗଞ୍ଜାମ ଜିଲା ପ୍ରଶାସନ ଓ ଗୋପାଳପୁର ଏନଏସି ପକ୍ଷରୁ ପୁଣିଥରେ ଆଜିଠାରୁ ଆରମ୍ଭ କରାଯାଇଛି। ଅଧିକରୁ ଅଧିକ ପର୍ଯ୍ୟଟକଙ୍କୁ ଗୋପାଳପୁରକୁ ଆକୃଷ୍ଟ କରିବା ପାଇଁଁ ଜିଲା ପ୍ରଶାସନ ତରଫରୁ ବେଳାଭୂମି ଠାରେ ଥିବା ବେଳାଭୂମି ମଣ୍ଡପ ଠାରେ ସାଂସ୍କୃତିକ କାର୍ୟ୍ୟକ୍ରମ ଆରମ୍ଭ ହୋଇଛି। ଆଜି ଅନୁଷ୍ଠିତ କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବେ ବ୍ରହ୍ମପୁର ଉପ ଜିଲାପାଳ ଭିି.କୀର୍ତ୍ତି ଭାସନ ଯୋଗ ଦେଇ ଶୁଭାରମ୍ଭ କରିଥିଲେ । ବେଳାଭୂମିକୁ ସଫା ସୁତୁରା ରଖିବା ସହ ଗୋପାଳପୁର ବେଳାଭୂମିକୁ ପ୍ଲାଷ୍ଟିକ, ପଲିଥିନ ମୁକ୍ତ କରିବା ପାଇଁ ଉପସ୍ଥିତ ଲୋକଙ୍କୁ ଉପଜିଲ୍ଲାପାଳ ଅନୁରୋଧ କରିଥିଲେ। କେନ୍ଦ୍ର ସରାକରଙ୍କ ସେଣ୍ଟର ଫର କଲ୍ଚୁରାଲ୍ ରିସୋସେଶ୍ ଆଣ୍ଡ ଟ୍ରେନିଂ (ସିଟିସିସି) ବିଭାଗ ପକ୍ଷରୁ ବୃତ୍ତି ପାଇବା ନିମନ୍ତେ ଯୋଗ୍ୟ ବିବେଚିତ ହୋଇଥିବା ବ୍ରହ୍ମପୁର ଲାଞ୍ଜିପଲ୍ଲୀ ଓଡ଼ିଶୀ ନୃତ୍ୟାୟନ ଅନୁଷ୍ଟାନର ଜୁନିୟର ନୃତ୍ୟ ଶିଳ୍ପୀ ସମୀକ୍ଷା ମହାନ୍ତିଙ୍କୁ ବ୍ରହ୍ମପୁର ଉପଜିଲ୍ଲାପାଳଙ୍କ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ଏହି ସାଂସ୍କୃତିକ କାର୍ୟ୍ୟକ୍ରମରେ ନୃତ୍ୟାୟନ ଅନୁଷ୍ଟାନର ଛାତ୍ରଛାତ୍ରୀଙ୍କ ଦ୍ୱାରା ଓଡ଼ିଶୀ ଓ ସମ୍ବଲପୁରୀ ନୃତ୍ୟ ପରିବେଷଣ କରାଯାଇଥିଲା। ଆଜି ରବିବାର ହେତୁ ବେଳାଭୂମିରେ ପଯ୍ୟଟକଙ୍କ ଭିଡ଼ ଜମିଥିବା ବେଳେ ପର୍ୟ୍ୟଟକମାନେ ଏହି ସାଂସ୍କୃତିକ କାଯ୍ୟକ୍ରମକୁବେଶ ଉପଭୋଗ କରିଥିବା ଦେଖା ଯାଇଥିଲା । ଏଣିକି ପ୍ରତି ରବିବାର ସନ୍ଧ୍ୟାରେ ଏହି କାର୍ୟ୍ୟକ୍ରମ ଅନୁଷ୍ଠିତ ହେବ ସହ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
Popular Categories
Previous article
Next article