ପଟ୍ଟାମୁଣ୍ଡାଇ: ତହସିଲ ଅଫିସରେ ପଶି ତହସିଲଦାରଙ୍କୁ ମାଡ଼ ମରାଯାଇଥିବା ଅଭିଯୋଗ ହୋଇଛି। ତହସିଲଦାରଙ୍କ ଅଫିସରେ ପଶି ଦୁଇଜଣ ବ୍ୟକ୍ତି ତହସିଲଦାରଙ୍କୁ ପିଟିଥିବା ଅଭିଯୋଗ କରାଯାଇଛି। ତହସିଲଦାର ଦୀଲିପ ସେଠୀଙ୍କୁ ବିଧା ଓ ଗୋଇଠା ମାରିଥିବା ସୂଚନା ମିଳିଛି।
ମିଳିଥିବା ସୂଚନା ଅନୁଯାୟୀ ଚାଷ ଜମିରେ ଇଟାଭାଟିକୁ ନେଇ ଅସନ୍ତୋଷ ଥିବା ତହସିଲଦାରଙ୍କୁ ମାଡ଼ ମରାଯାଇଥିବା ଅଭିଯୋଗ ହୋଇଛି। କଣିପାଳ ଗାଁରେ ଚାଷଜମିରେ ଇଟାଭାଟିକୁ ନେଇ ଅସନ୍ତୋଷ ଥିଲା। ଇଟାଭାଟିକୁ ବିରୋଧ କରି କିଛି ଚାଷୀ ଧାରଣା ଦେଇଥିଲେ। ଚାଷୀଙ୍କ ଧାରଣା ସତ୍ତ୍ବେ ତହସିଲଦାର ସେମାନଙ୍କର କୌଣସି ଅଭିଯୋଗ ଶୁଣି ନଥିବା ପ୍ରକାଶ କରାଯାଇଛି। ଏହି ଘଟଣାକୁ ନେଇ ଚାଷୀମାନେ ଉତ୍ୟକ୍ତ ହୋଇଥିଲେ। ଏହି ଘଟଣାକୁ ନେଇ ଗ୍ରାମରେ ଅସନ୍ତୋଷ ଲାଗି ରହିଥିବାବେଳେ ସେହି ଗ୍ରାମର ଦୁଇଜଣ ବ୍ୟକ୍ତି ତହସିଲଦାରଙ୍କୁ ମାଡ଼ ମାରିଥିବା ଜଣାଯାଇଛି। ତହସିଲଦାରଙ୍କୁ ମାଡ଼ ମାରି ତାଙ୍କୁ ଅଫିସରେ ଅଟକ ରଖିଥିବା ସୂଚନା ମିଳିଛି।
Comments are closed.