ବାଙ୍କୀ : ସୁବର୍ଣ୍ଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିଚାଳନାରେ ବୁଧବାର ସ୍ଥାନୀୟ ସୁବର୍ଣ୍ଣପୁର ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଗଳଗଣ୍ଡ ରୋଗର ଚିହ୍ନଟ ପାଇଁ ସର୍ବେକ୍ଷଣ ପ୍ରସ୍ତୁତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସୁବର୍ଣ୍ଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକ୍ଷକ ଡାକ୍ତର ଅମରେଶ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରସ୍ତୁତି ବୈଠକରେ ଡାକ୍ତର କନକବାଳା ମହାନ୍ତି, ଜନସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ପ୍ରଦୀପ କୁମାର ସାହୁ, ସ୍ୱାସ୍ଥ୍ୟ ପରିଦର୍ଶକ ମାନଭଞ୍ଜନ ଦଳାଇ, ମଞ୍ଜୁଲତା ଦାସ, ବିଭୁ ପ୍ରସାଦ ରାଉତ, ଲକ୍ଷ୍ମୀ ସାହୁ, ସ୍ଥାନୀୟ ଆଶା ଛବିରାଣୀ ସାହୁ, ସୁଲୋଚନା ଦଳେଇ ପ୍ରମୁଖ ଯୋଗଦେଇଥିଲେ। ଗୁରୁବାର ଦିନ କିଭଳି ଭାବେ ଏଠାରେ ୯୦ଜଣ ଛାତ୍ର ଛାତ୍ରୀଙ୍କର ପରିବାର ସର୍ବେକ୍ଷଣ ହେବା ସହିତ ଗଳଗଣ୍ଡ ରୋଗର ଚିହ୍ନଟ ପାଇଁ ଆବଶ୍ୟକ କାର୍ଯ୍ୟପନ୍ଥା ଗ୍ରହଣ କରାଯିବା ସମ୍ପର୍କରେ ଆଲୋଚନା କରାଯାଇ ଥିଲା। ଆୟୋଡିନ୍ ଯୁକ୍ତ ଲୁଣ ଖାଇବା ତଥା ସେଥିମଧ୍ୟରୁ ୯ଜଣ ଛାତ୍ର ଛାତ୍ରୀଙ୍କର ପରିବାରରେ ବ୍ୟବହାର କରାଯାଉଥିବା ଲୁଣର ନମୁନା କରୀକ୍ଷା କରାଯିବା ସମ୍ପର୍କରେ ସୂଚନା ମିଳିଛି। ଗଳଗଣ୍ଡ ରୋଗର ଚିହ୍ନଟ ବିପରି ସଠିକ ଭାବରେ କରାଯାଇ, ଗ୍ରାମରେ ଗଳଗଣ୍ଡ ରୋଗର ଉପଯୁକ୍ତ ଚିକିତ୍ସାସେବା ଯୋଗାଇ ଦିଆଯାଇ ପାରିବ ସେ ସଂପର୍କରେ ଆଲୋଚନା କରାଯାଇଛି।
Popular Categories
Previous article
Next article