୧୮୧୮ ସେପ୍ଟେମ୍ବର ୨୫ ତାରିଖ, ୨୦୦ ବର୍ଷ ତଳେ କେବଳ ସାଧାରଣ ପଦ୍ଧତିରେ ଚିକିତ୍ସା ହେଉଥିଲା। ଯଦିଓ ସେସମୟରେ ଚିକିତ୍ସକମାନେ ଖୁବ୍ ଦକ୍ଷ ଥିଲେ, କିନ୍ତୁ ଜ୍ଞାନକୌଶଳ ଅଭାବରୁ ଯଥାଯଥ ପଦକ୍ଷେପ ନେଇପାରୁନଥିଲେ। ଏହିଭଳି ଏକ ଚମତ୍କାର ପଦକ୍ଷେପ ସେତେବେଳେ ନେଇଥିଲେ ବ୍ରିଟିଶ୍ ଡାକ୍ତର ଜେମ୍ସ ବ୍ଲଣ୍ଡଲ। ସେ ବିଶ୍ବର ପ୍ରଥମ ଡାକ୍ତର ଯେ ରକ୍ତଦାନ କରାଇ ଜଣେ ରୋଗୀର ଜୀବନରକ୍ଷା କରିପାରିଥିଲେ। ସେସମୟରେ ପ୍ରକୃତରେ ରକ୍ତଦାନ ସମ୍ପର୍କରେ ସମସ୍ତେ ଅଜ୍ଞ ଥିଲେ। ଜଣେ ମହିଳା ରୋଗୀଙ୍କ ଶରୀରରେ ରକ୍ତର ଆବଶ୍ୟକତା ନିତାନ୍ତ ଦରକାର ପଡ଼ିଲା। ଏଣୁ ସେହି ମହିଳା ରୋଗୀଙ୍କ ସ୍ବାମୀଙ୍କୁ ହିଁ ଡାକ୍ତର ପ୍ରଥମେ ରକ୍ତଦାନ ନିମନ୍ତେ ପରାମର୍ଶ ଦେଲେ। ସ୍ତ୍ରୀଙ୍କ ଜୀବନ ବଞ୍ଚାଇବା ନିମନ୍ତେ ତାଙ୍କ ସ୍ବାମୀ ମଧ୍ୟ ତୁରନ୍ତ ରାଜି ହୋଇ ରକ୍ତଦାନ କରିଥିଲେ। ସ୍ବାମୀଙ୍କ ବାମ ହାତରୁ ୧୧୮ ମିଲି ରକ୍ତ ନିଆଯାଇ ସ୍ତ୍ରୀଙ୍କୁ ରକ୍ତଦାନ କରାଗଲା। ଏହି କାର୍ଯ୍ୟରେ ଡାକ୍ତର ଜେମ୍ସ ସଫଳ ହେବା ସହ ଇତିହାସରେ ସ୍ବର୍ଣ୍ଣାକ୍ଷରରେ ତାଙ୍କ ନାମ ଲିପିବଦ୍ଧ ହୋଇ ରହିଗଲା। ଆଜି ଚିକିତ୍ସା କ୍ଷେତ୍ର ଖୁବ୍ ଉନ୍ନତି କରିଥିବାବେଳେ ଡାକ୍ତର ଜେମ୍ସଙ୍କ ଏହି ପ୍ରଶଂସନୀୟ ପଦକ୍ଷେପକୁ ବିଶ୍ବ ଚିକିତ୍ସକ ସଂଘ ପ୍ରଶଂସା କରିଛି।
