ସୁଆଣ୍ଡୋ : ମଙ୍ଗଳବାର ସନ୍ଧ୍ୟାରେ ହୋଇଥିବା ବର୍ଷାରେ ପୁରୀଜିଲା ସାକ୍ଷୀଗୋପାଳ ବଜାରର ଓଭର ବ୍ରିଜ ତଳ ରାସ୍ତାରେ ଆଣ୍ଠୁଏ ଉଚ୍ଚରେ ପାଣି ଜମି ରହିଥିଲା। ପାଣି ଜମି ରହିବାରୁ ଅନେକ ସମୟ ପର୍ଯ୍ୟନ୍ତ ଲୋକମାନେ ବଜାର ଭିତରକୁ ଯାଇ ନ ପାରି ଓଭରବ୍ରିଜ୍ ତଳେ ଅପେକ୍ଷା କରି ରହିଥିଲେ । ବର୍ଷା ପାଣିରେ ରାସ୍ତା ଓ ଏହାର ଆଖପାଖ ଅଞ୍ଚଳ ବୁଡି ରହିଥିବାରୁ ଯାନ ବାହାନ ଚଳା ଚଳରେ ଅସୁବିଧା ହେବା ସହ ଛୋଟ ବାଡ ଦୁର୍ଘଟଣା ଘଟୁଛି ।
ତେବେ ବିଭାଗୀୟ ଅଧିକାରୀମାନେ ଏଥିପ୍ରତି ଦୃଷ୍ଟି ଦେଉ ନଥିବା ଅଭିଯୋଗ ହେଉଛି । ଜମି ରହୁଥିବା ବର୍ଷାପାଣି ନିଷ୍କାସନ ପାଇଁ ବସାଯାଇଥିବା ନଳରେ ପାଣି ନିଷ୍କାସନ ହେଉନାହିଁ । ଏ ସମ୍ପର୍କରେ ଜନସାଧାରଣ ବିଭାଗୀୟ ଅଧିକାରୀମାନଙ୍କୁ ବାରମ୍ବାର ଜଣାଇ ଆସୁଛନ୍ତି । ଜିଲାପାଳ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ।