କଣ୍ଟାବାଞ୍ଜି : ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ଶିକ୍ଷା ସଂଗଠନ, ଉଚ୍ଚଶିକ୍ଷା ମନ୍ତ୍ରଣାଳୟ, ଭାରତ ସରକାରଙ୍କ ଜିଲ୍ଲା ପ୍ରଭାରୀ ଅଧ୍ୟାପକ ଲୋହିତାକ୍ଷ ଯୋଶୀ ମହାବିଦ୍ୟାଳୟ କୁ ପରିଦର୍ଶନ କରି ମହାବିଦ୍ୟାଳୟରେ ପରିମଳ ଓ ସ୍ୱାସ୍ଥ୍ୟ, ବର୍ଜ୍ୟ ବସ୍ତୁ, ଜଳଶକ୍ତି ପରିଚାଳନା ଓ ସବୁଜ ବଳୟ ର ସ୍ଥିତି ବିଷୟରେ ଅନୁଧ୍ୟାନ କରିଛନ୍ତି। ସେ ଏକ ରିପୋର୍ଟ ତିଆରି କରି ଆସନ୍ତା ୨୧ ଓ ୨୨ ତାରିଖରେ ହାଇଦ୍ରାବାଦ ରେ ହେବାକୁ ଥିବା ଜାତୀୟ ସ୍ତରୀୟ ସମ୍ମିଳନୀରେ ଉପସ୍ଥାପିତ କରିବେ । ସେ ମହାବିଦ୍ୟାଳୟର ଅଧ୍ୟାପକ, ଅଧ୍ୟାପିକା, ଛାତ୍ରୀମାନଙ୍କ ସହିତ ବାର୍ତାଳାପ କରି ପରିବେଶ ସୁରକ୍ଷା ରେ ଛାତ୍ରୀ ମାନଙ୍କର ଭୂମିକା ବିଷୟରେ ଅବଗତ କରାଇଥିଲେ । ଏହି ସମୟରେ ମହାବିଦ୍ୟାଳୟର ଅଧ୍ୟକ୍ଷ ରାଜେନ୍ଦ୍ର କୁମାର ପୁରୋହିତ, ଅଧ୍ୟାପକ ଯୁଧିଷ୍ଠିର ବେହେରା, ସୁନନ୍ଦା ରଥ, ଜିତେନ୍ଦ୍ର ସୁନା, ନେପାଳ ସେଠି ସହିତ ଶତାଧିକ ଛାତ୍ରୀ ଉପସ୍ଥିତ ଥିଲେ। ଶ୍ରୀ ଯୋଶୀଙ୍କ ତଥ୍ୟ ଅନୁସାରେ ଆସନ୍ତା ଶିକ୍ଷା ବର୍ଷ ଠାରୁ ଗ୍ରାମୀଣ ଶିକ୍ଷା ନାମକ ଏକ ବିଷୟ ଭାରତ ସରକାରଙ୍କ ଦ୍ୱାରା ଉଚ୍ଚ ଶିକ୍ଷା ଦ୍ୱାରା ପ୍ରଦାନ କରାଯାଉଥିବା ପାଠ୍ୟ କ୍ରମରେ ସାମିଲ କରାଯିବ ଯାହା ଦ୍ୱାରା ଛାତ୍ର ଛାତ୍ରୀ ମାନେ ଶିକ୍ଷା ଅନୁଷ୍ଠାନ ଓ ସମାଜ ମଧ୍ୟରେ ସମ୍ପର୍କ ର ସେତୁ ଭଳି କାମ କରିପାରିବେ ବୋଲି ମତ ଦେଇଥିଲେ।
Popular Categories
Previous article
Next article