ଚୌଦ୍ୱାର : ଚୌଦ୍ୱାର ସ୍ଥିତ ଡାଳିଯୋଡା ସାହିତ୍ୟ ସଂସଦର ୩୧ତମ ବାର୍ଷିକୋତ୍ସବ ରୋଟାରୀ କ୍ଲବ ପରିସରରେ ରବିବାର ଅନୁଷ୍ଠିତ ହୋଇଯାଇଛି । ପ୍ରଶାସନିକ ଅଧିକାରୀ ବଂଶୀଧର ରାଉତ, ସମାଜର ପ୍ରାକ୍ତନ ସଂମ୍ପାଦକ ଡ.ସତ୍ୟ ରାୟ, ପ୍ରାକ୍ତନ ଅଧ୍ୟକ୍ଷ ଜିତେନ୍ଦ୍ର ନାଥ ପତି ପ୍ରମୁଖ ଯୋଗଦେଇ ସାହିତ୍ୟ ପାଇଁ ସମାଜର ଆବଶ୍ୟକତା ବିଷୟରେ ଆଲୋକପାତ କରିଥିଲେ। ସଂସଦର ସଭାପତି କେ.ସି.ପ୍ରତାପ ସିଂହଙ୍କ ପୌରହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସମାଜିକକର୍ମୀ ମାନସ ରଞ୍ଜନ ବସ୍ତିଆ, ଯୁବକବି ପବିତ୍ର ମୋହନ ସାହୁ, ଆଶୁକବି ଭାଗବତ ରାଉତଙ୍କୁ ସଂସଦ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ଏହି ଅବସରରେ ସଂସଦର ବାର୍ଷୀକ ମୁଖପତ୍ର ଡାଳିଯୋଡାକୁ ଅତିଥି ମାନେ ଉନ୍ମୋଚନ କରିଥିଲେ। ଏଥି ସହିତ ବ୍ରଜ କିଶୋର ପାତ୍ରଙ୍କ ରଚିତ ପିନା ତୁମେ ଓ ଇଂ.ହରିହର ରଣାଙ୍କ ଲିଖିତ ପୁସ୍ତକ ତଲ୍ଲୀନ ତପସ୍ୟା ପୁସ୍ତକ ଉନ୍ମୋଚିତ ହୋଇଥିଲା।ସଦସ୍ୟ ଶ୍ରୀନିବାସ ବେହେରା,ଶରତ ଖୁଣ୍ଟିଆ କାର୍ଯ୍ୟକ୍ରମ ପରିଚାଳନା କରିଥିଲେ।
Popular Categories
Previous article
Next article