ନବରଙ୍ଗପୁର: ଅବକାରୀ ବିଭାଗ ପକ୍ଷରୁ ନକଲି ବିଦେଶୀ ମଦ କାରବାର ଅଭିଯୋଗରେ ଜଣକୁ ଗିରଫ କରିବା ସହ ମଦଜବତ କରାଯାଇଛି। ନବରଙ୍ଗପୁର ବ୍ଲକର ରାଜା ବେହରାଗୁଡାର ମୁକେଶ କୁମାର ଗୁପ୍ତା ନକଲି ବିଦେଶ ମଦ କାରବାର କରୁଥିଲେ। ଏହି ଖବର ପାଇବା ପରେ ଅବକାରୀ ଅଧିକ୍ଷକ ସନ୍ତୋଷ କୁମାର ଧଳସାମନ୍ତଙ୍କର ନିର୍ଦ୍ଦେଶରେ ନବରଙ୍ଗପୁର ଅବକାରୀ ଇନ୍ସପେକ୍ଟର ସୁଧୀର କୁମାର ସାହୁ, ସବ୍ଇନ୍ସପେକ୍ଟର କମ୍ଭୁପାଣି ସୁନ୍ଦର, ଓ ଏଏସଆଇ ସୁବ୍ରତ ହିରଣଙ୍କ ସମେତ ଅନ୍ୟାନ୍ୟ କର୍ମଚାରୀ ମାନେ ମୁକେଶ ଭ୍କର ଘରେ ଚଢାଉ କରିଥିଲେ। ମୋଟ ୧୨.୩୭୫ ଲିଟର ନକଲି (ଆଇଏମଏଫଲ) ବିଦେଶୀ ମଦ, ୧୦୩ଟି କର୍କ ଓ ୨୦୦ଟି ୧୮୦ ମିଲି ଲିଟର ବୋତଲ ଜବତ କରାଯାଇଛି। ଏ ସଂପର୍କରେ ଏକ ମାମଲା ରୁଜୁ କରାଯିବା ସହିତ ଅଭିଯୁକ୍ତକୁ ଗିରଫ କରି କୋର୍ଟଚାଲାଣ କରାଯାଇଛି।
Comments are closed.