ବିଗ୍‍ ବିଙ୍କ ପାଇଁ ଘର ଖାଦ୍ୟ ଆଣିଲେ ବାହୁବଳୀ ପ୍ରଭାସ

ମୁମ୍ବଇ : ଶତାବ୍ଦୀର ମହାନାୟକ ଅମିତାଭ ବଚ୍ଚନ କିଛି ଦିନ ହେବ ସାଉଥ୍‍ ସୁପରଷ୍ଟାର ପ୍ରଭାସଙ୍କ ସହ ସୁଟିଂ କରୁଛନ୍ତି। ରବିବାର ବିଗ୍‍ ବି ସୋସିଆଲ ମିଡିଆରେ ତାଙ୍କ ନିକଟକୁ ପ୍ରଭାସ ଘରର ଭୋଜନ ପଠାଇବାକୁ ନେଇ ଧନ୍ୟବାଦ ଜଣାଇଛନ୍ତି। ସେ ଖାଦ୍ୟର ପ୍ରଶଂସା କରିବା ସହ ଖାଦର ପରିମାଣ ଦେଖି କହିଛନ୍ତି, ଏହି ଖାଦ୍ୟକୁ ସେନା ବାହିନୀ (ଆର୍ମି) ମଧ୍ୟ ଖାଇପାରିବେ। ପ୍ରଭାସ ଓ ବିଗ୍‍ ବି ବର୍ତ୍ତମାନ ନାଗ୍‍ ଅଶ୍ୱିନଙ୍କ ଚଳଚ୍ଚିତ୍ରରେ ଏକାଠି କାମ କରୁଛନ୍ତି। ଚଳଚ୍ଚିତ୍ରର ନାମ ବର୍ତ୍ତମାନ କେ ରଖାଯାଇଛି। ଚଳଚ୍ଚିତ୍ରରେ ଦୀପିକା ପାଦୁକନ୍‍ ମଧ୍ୟ ନଜର ଆସିବେ। ଏହାପୂର୍ବରୁ ମଧ୍ୟ ପ୍ରଭାସ ଓ ବିଗ୍‍ ବି ପରସ୍ପର ସହ ଚଳଚ୍ଚିତ୍ରରେ କାମ କରିବାର ଖୁସି ବ୍ୟକ୍ତ କରି ସାରିଛନ୍ତି। ପ୍ରଭାସ ମଧ୍ୟ କହିଥିଲେ ତାଙ୍କ ସ୍ୱପ୍ନ ସତ ହୋଇଥିବା ନେଇ ସେ ଅନୁଭବ କରିଛନ୍ତି।
ପ୍ରଭାସଙ୍କ ଉଦାରତାର କୌଣସି ସୀମା ନାହିଁ ବୋଲି ବିଗ୍‍ ବି ଟୁଇଟ କରି କହିଛନ୍ତି। ମୋ ପାଇଁ ଆଣିଥିବା ଘରର ଭୋଜନ ଖୁବ ସ୍ୱାଦିଷ୍ଟ ଥିଲା। ଏତେ ପରିମାଣରେ ଖାଦ୍ୟ ଥିଲା, ଆର୍ମିଙ୍କୁ ମଧ୍ୟ ଖୁଆଯାଇପାରିବ। ସ୍ୱତନ୍ତ୍ର କୁକିଜ୍‍ ମଧ୍ୟ ବେଶ ସ୍ୱାଦିଷ୍ଟ ଥିଲା।
ଅମିତାଭଙ୍କ ସହ ଚଳଚ୍ଚିତ୍ରରେ କାମ କରିବା ପ୍ରଭାସଙ୍କ ପାଇଁ ସ୍ୱପ୍ନ ବୋଲି, କିଛି ଦିନ ପୂର୍ବରୁ ସେ ନିଜେ ସୋସିଆଲ ମିଡିଆରେ ପୋଷ୍ଟ କରିଥିଲେ।

T 4198 – 'Bahubali' Prabhas .. your generosity is beyond measure .. you bring me home cooked food, beyond delicious .. you send me quantity beyond measure .. could have fed an Army ..
the special cookies .. beyond scrumptious ..
And your compliments beyond digestible 🤣

— Amitabh Bachchan (@SrBachchan) February 20, 2022