ମୁମ୍ବଇ : ଆଉ ନାହାନ୍ତି ଡିସ୍କୋ କିଙ୍ଗ। ବଲିଉଡର ପ୍ରସିଦ୍ଧ ଗାୟକ ତଥା ଗୀତିକାର ବପ୍ପି ଲାହିରିଙ୍କର ମଙ୍ଗଳବାର ବିଳମ୍ବିତ ରାତିରେ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୬୯ ବର୍ଷ ବୟସ ହୋଇଥିଲା। ମୁମ୍ବଇର ଡାକ୍ତରଖାନାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ବପ୍ପି ଲାହିରି ୮୦ ଏବଂ ୯୦ ଦଶକରେ ଅନେକ ଚଳଚ୍ଚିତ୍ରରେ ବ୍ଲକବଷ୍ଟର ଗୀତ ଦେଇଥିଲେ ଏବଂ ଏକ ଭିନ୍ନ ପରିଚୟ ସୃଷ୍ଟି କରିଥିଲେ । ଗତ ବର୍ଷ ଏପ୍ରିଲରେ ବପ୍ପି ଲାହିରିଙ୍କୁ ମୁମ୍ବଇର ହସ୍ପିଟାଲରେ ଭର୍ତ୍ତି କରାଯାଇଥିଲା। ଗତବର୍ଷ ଏପ୍ରିଲ ମାସରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେହି ସମୟରେ ସେ କରୋନା ଆକ୍ରାନ୍ତ ହୋଇଥିଲେ। କିଛି ଦିନ ମଧ୍ୟରେ ସେ ସୁସ୍ଥ ମଧ୍ୟ ହୋଇଥିଲେ। ଏହି ସମୟରେ ତାଙ୍କୁ ମୁମ୍ବଇର ହସ୍ପିଟାଲରେ ଭର୍ତ୍ତି କରାଯାଇଥିଲା।
ମୁମ୍ବଇର ଏକ ହସ୍ପିଟାଲରେ ପ୍ରାୟ ଏକ ମାସ ହେବ ସେ ଚିକିତ୍ସିତ ଅବସ୍ଥାରେ ରହିଥିଲେ। ସୋମବାର ତାଙ୍କୁ ଡିସଚାର୍ଜ କରାଯାଇଥିଲା। ମାତ୍ର ମଙ୍ଗଳବାର ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯିବାରୁ ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା।
ବପ୍ପି ଲାହିରିଙ୍କ ମୃତ୍ୟୁ ରେ ସମଗ୍ର ଚଳଚ୍ଚିତ୍ର ଜଗତରେ ଶୋକର ଛାୟା ଖେଳିଯାଇଛି । ସୋସିଆଲ ମିଡିଆରେ ସେଲିବ୍ରିଟି ଏବଂ ପ୍ରଶଂସକମାନେ ‘ଡିସ୍କୋ କିଙ୍ଗ’କୁ ମନେ ପକାଇ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି ।
ଆରପାରିରେ ‘ଡିସ୍କୋ କିଙ୍ଗ୍’ ; ମନେ ପକାଉଛି ସାରା ଦେଶ
Popular Categories
Previous article
Next article