ୱାଶିଂଟନ : ଚୋର କୁହନ୍ତୁ ଅଥବା ଲୁଟେରା। ଘରେ ପ୍ରବେଶ କରି ଦାମୀ ଜିନିଷ,ଅଳଙ୍କାର ଆଦି ଚୋରି କରିଥାଆନ୍ତି। ମାତ୍ର ଏଭଳି ଚୋର ବିଷୟରେ ଜାଣିଛନ୍ତି କି ? ଯେ କି ଘରେ ପଶି ଗାଧୋଇବା ପରେ ଖାଦ୍ୟ ଖାଇ ବିଶ୍ରାମ ନେଇ ନିଶାଦ୍ରବ୍ୟ ପାନ କରି ମାଲିକ ଫେରିବା ପରେ ୧୫ ହଜାର ଟଙ୍କା କ୍ଷତିଭରଣା ବାବଦରେ ଦେଇ ଯାଇଛି। କଥାଟା କାନକୁ ଆଶ୍ଚର୍ଯ୍ୟ ଲାଗିଲେ ମଧ୍ୟ ସତ। ଘଟଣାଟି ଆମେରିକାର ନ୍ୟୁ ମେକ୍ସିକୋର। ଏଠାରେ ଚୋର ଏକ ଘରେ ପଶି ଗାଧୋଇବା ପରେ ଖାଦ୍ୟ ଖାଇ ବିଶ୍ରାମ ନେଇ ନିଶାଦ୍ରବ୍ୟ ପାନ କରି ମାଲିକ ଫେରିବା ପରେ ୧୫ ହଜାର ଟଙ୍କା କ୍ଷତି ଭରଣା ମଧ୍ୟ ଦେଇଛି। ଚୋର ଏଭଳି କରିବାର ଏକ ରୋମାଞ୍ଚକର କାହାଣୀ ରହିଛି।
ଘଟଣା କ୍ରମେ ନ୍ୟୁ ମେକ୍ସିକୋ ନିକଟ ଅଞ୍ଚଳରେ ବାସ କରୁଥିବା ଜଣେ ବ୍ୟକ୍ତିଙ୍କ ଘରେ ଝରକା କାଚ ଭାଙ୍ଗି ଘରେ ପ୍ରବେଶ କରିଥିଲା। ତା ନିକଟରେ ଏକ ରାଇଫଲ ମଧ୍ୟ ଥିଲା। ଚୋରଟି ଘରେ ପଶିବା ସମୟରେ କେହି ଘରେ ନଥିଲେ। ମାତ୍ର କିଛି ଘଣ୍ଟା ମଧ୍ୟରେ ଘର ଲୋକେ ଫେରିଥିଲେ।
ଘର ଲୋକଙ୍କ କହିବାନୁଯାୟୀ, ଚୋରଟି ଘରେ ଖାଦ୍ୟ ଖାଇବା ପରେ ଶୋଇ, ନିଶାଦ୍ରବ୍ୟ ଖାଇ ୧୫ ହଜାର ଟଙ୍କା (୨୦୦ ଡଲାର) ଦେଇ ଯାଇଥିଲା । ଏହାପରେ ସେ କାହାର କୌଣସି କ୍ଷତି ନକରି ପଳାଇ ଯାଇଥିଲା। ଝଟକା ଭାଙ୍ଗି ଥିବାରୁ ସେ ୧୫ ହଜାର ଟଙ୍କା କ୍ଷତିପୂରଣ ଦେଇ, ତା’ର ମାତା ପିତାଙ୍କ ହତ୍ୟା ପରେ ସେ ପଳାଇ ଆସିଛି ବୋଲି କହିଥିଲା। ତା’ର ଗାଡି ଖରାପ ହେବା ପରେ ସେ ଉକ୍ତ ବ୍ୟକ୍ତିଙ୍କ ଘରେ ଝରକା ଭାଙ୍ଗି ପ୍ରବେଶ କରିଥିଲା।
