ଆଠଗଡ: ଆଠଗଡ ଅବକାରୀ ବିଭାଗ ପକ୍ଷରୁ ମିଳିଥିବା ଗୁପ୍ତ ସୂଚନା ଆଧାରରେ ଆଠଗଡର ଝରଣଛକ ଠାରୁ କଟକ ଅଭିମୁଖେ ଯାଉଥିବା ଏକ ଦେଶୀମଦ ବୋଝେଇ ଇଣ୍ଡିଗୋ କାର ଜବତ କରାଯାଇଛି। ଆଠଗଡ ଅବକାରୀ ନିରୀକ୍ଷକ ପ୍ରଭାସ କୁମାର ଚୌଧୁରୀଙ୍କ ନେତୃତ୍ୱରେ କରାଯାଇଥିବା ଏହି ଚଢାଉ ବେଳେ ଉକ୍ତ କାରରେ ୨୦ରୁ ଊର୍ଦ୍ଧ୍ବ ରବର ବ୍ଲାଡର ମଧ୍ୟରେ କଟକକୁ ଚାଲାଣ କରାଯାଉଥିବା ୪୬୦ଲିଟର ଦେଶୀମଦ ଓ କାରକୁ ଜବତ କରାଯିବା ସହ ଏଥିରେ ସଂପୃକ୍ତ କଟକ ଚାନ୍ଦିନୀଚୌକ୍ ହାଡଗାଡିଆ ସାହିର ବିଜୟ ଦାସଙ୍କୁ ଗିରଫ କରାଯାଇଥିଲା। ଆଠଗଡ ଉପନିରୀକ୍ଷକ ବିଜୟ କୁମାର ଭଞ୍ଜ ଓ ନରସିଂହପୁର ଭାରପ୍ରାପ୍ତ ଅଧିକାରୀ ଦେବାନନ୍ଦ ଭୂୟାଁଙ୍କ ସମେତ ଅନ୍ୟମାନେ ଏହି ଚଢାଉରେ ଅଂଶଗ୍ରହଣ କରିଥିଲେ।
Comments are closed.