ତେଲକୋଇ: ତେଲକୋଇ ବନାଞ୍ଚଳ ଅଧିନ କାଳିଆହତା ଫରେଷ୍ଟ ବିଟ ପୁରୁଯୋଡା ପଞ୍ଚାୟତର ବାଲିଯୋଡି ଗ୍ରାମର ଜଣେ ଯୁବକ ଭାଲୁ କାମୁଡାରେ ଗୁରୁତର ହୋଇଛନ୍ତି। ଗୁରୁତର ଯୁବକ ଜଣକ କୈଳାସ ଚନ୍ଦ୍ର ନାଏକଙ୍କ ପୁଅ ପ୍ରଦୀପ ନାଏକ (୨୬)ବୋଲି ଜଣାପଡିଛି। ଘଟଣା ଅନୁଯାୟୀ ପ୍ରଦୀପ ଦୁଇ ସମ୍ପର୍କିୟ ସାନ ଭାଇ ସୁଜିତ ଏବଂ ରଞ୍ଜନଙ୍କୁ ସାଙ୍ଗରେ ନେଇ ଛେଳି ଚରାଇବାକୁ ଗ୍ରାମ ନିକଟ ସୁନେଇଦେଇ ପାହାଡକୁ ଯାଇଥିଲେ। ଅପରାହ୍ନ ପ୍ରାୟ ୩ଟା ବେଳେ ସେଠାରେ ପ୍ରଦୀପ ଏକ ଭାଲୁ ସହ ମୁହାଁ ମୁହିଁ ହୋଇଥିଲେ। ଭାଲୁ ତାଙ୍କ ଉପରେ ଆକ୍ରମଣ କରି ହାତକୁ କାମୁଡି ଦେଇଥିଲା ଏବଂ ସେ ବଡ଼ ପାଟି କରିବାରୁ ଭାଲୁ ତାଙ୍କୁ ଛାଡି ଚାଲିଯାଇଥିଲା। ଘଟଣାସ୍ଥଳରେ ସେ ଗୁରୁତର ହୋଇ ପଡିବାରୁ ସାଙ୍ଗରେ ଯାଇଥିବା ସାନଭାଇ ଦୌଡି ଯାଇ ଗ୍ରାମବାସୀଙ୍କୁ ନେଇ ଆସିଥିଲା। ଗ୍ରାମବାସୀ ପ୍ରଦୀପଙ୍କୁ ସେଠାରୁ ଉଦ୍ଧାର କରି ୧୦୮ରୋଗୀବୁହା ଯାନ ଯୋଗେ ତେଲକୋଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିଥିଲେ। ଗୁରୁତର ପଦ୍ରୀପଙ୍କୁ ଅଧିକ ଚିକିତ୍ସା ସେବା ଯୋଗାଇ ଦେବା ପାଇଁ କେନ୍ଦୁଝର ଜିଲା ମୁଖ୍ୟ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତରିତ କରାଯାଇଥିବା ସୂଚନା ମିଳିଛି।
Comments are closed.