ଲିଞ୍ଜ: ଅଷ୍ଟ୍ରିଆରେ ଟିକା ନେଇନଥିବା ୧୪ ବର୍ଷରୁ ଅଧିକ ବୟସର ଲୋକଙ୍କ ଉପରେ ଦେଶର ସରକାର ଜରିମାନା ଲଗାଇବେ । ତାହା ପୂର୍ବରୁ ସରକାର ଏକ ଟିକାକରଣ ନୀତି କାର୍ଯ୍ୟକାରୀ କରିବାକୁ ଘୋଷଣା କରିଛନ୍ତି । ସେଥିରେ ୧୪ ବର୍ଷରୁ ଅଧିକ ବୟସର ସମସ୍ତ ନାଗରିକଙ୍କ ପାଇଁ କୋଭିଡ ଟିକା ନେବା ବାଧ୍ୟତାମୂଳକ କରାଯାଇଛି । ଯେଉଁମାନେ ଟିକା ନନେବେ ସେମାନଙ୍କ ଉପରେ ୩୬୦୦ ୟୁରୋ ପର୍ଯ୍ୟନ୍ତ ଜରିମାନା ଲଗାଯିବ ବୋଲି ଏକ ଖବର ସରବରାହ ସଂସ୍ଥା ସୂତ୍ରରୁ ଜଣାଯାଇଛି ।
ଜଣାଯାଇଛି ଯେ ଲିଞ୍ଜ ସହର ପ୍ରଶାସନ ଏଥିପାଇଁ ସ୍ୱତନ୍ତ୍ର ଭାବରେ କର୍ମଚାରୀ ନିଯୁକ୍ତ କରିବା ଆରମ୍ଭ କରିଛନ୍ତି । କୋଭିଡ ନିୟମକୁ ଅବମାନନା କରୁଥିବା ଏବଂ ଟିକା ନେଇନଥିବା ଲୋକଙ୍କୁ ଠାବ କରି ସେମାନଙ୍କ ବିରୋଧରେ ଏହି କର୍ମଚାରୀମାନେ ଜରିମାନା ଲାଗୁ କରିବା ସହିତ ତାହା ଆଦାୟ କରିବେ । ଏହି ନୂଆ ବ୍ୟବସ୍ଥା ୨୦୨୨ ଫେବ୍ରୁଆରୀରୁ କାର୍ଯ୍ୟକାରୀ ହେବ ବୋଲି ଜଣାଯାଇଛି ।
ଟିକା ନେଇନଥିବା ଲୋକଙ୍କ ଉପରେ ଅଷ୍ଟ୍ରିଆ ଲଗାଇବ ଜରିମାନା
Popular Categories
Previous article
Next article