ସମ୍ବଲପୁର: ସମ୍ବଲପୁରର ମୋଦିପଡା ଛକରୁ ଲକ୍ଷ୍ମୀ ଟକିଜ ଛକ ମଧ୍ୟରେ ମୋଟର ଯାନ ଯାଞ୍ଚ ଚାଲିଥିଲା। ସେହି ସମୟରେ ଜଣେ ନାବାଳକ ଏକ ବାଇକ (ଓଡି – ୧୫ –ଏଲ – ୦୪୫୨) ରେ ଦ୍ରୁତଗତିରେ କାନରେ ୟିର ଫୋନ ଲଗାଇ ଆସୁଥିଲେ। ଏଣୁ ପୁଲିସ ତାଙ୍କୁ ଅଟକାଇ ଗାଡିର କାଗଜପତ୍ର, ଚାଳକ ଲାଇସେନ୍ସ ଆଦି ଯାଞ୍ଚ କରିଥିଲା। ବାଇକ ଚାଳକ ଜଣକ ନାବାଳକ ଥିବାରୁ ମୋଟର ଯାନ ଆଇନ ଅନୁଯାୟୀ ତାଙ୍କର ପିତା ଗୁରମିତ ସିଂହ ଙ୍କୁ ସୂଚନା ଦିଆଯାଇ ସମ୍ବଲପୁର ପରିବହନ ଅଧିକାରୀଙ୍କୁ ସୂଚନା ଦିଆଯାଇଥିଲା। ଏଣୁ ସମ୍ବଲପୁର ପରିବହନ ଅଧିକାରୀ ଧର୍ମେନ୍ଦ୍ର ଦେହୁରୀ ଟାଉନ ଥାନାକୁ ଆସି ଆଇନ ଉଲ୍ଲଂଘନ ପାଇଁ ୩୦ ହଜାର ଟଙ୍କାର ଜରିମାନା କରିଥିଲେ। ସମ୍ବଲପୁର ପୁଲିସ ପକ୍ଷରୁ ମୋଟରଯାନ ନିୟମ ମାନି ଗାଡିଚାଳନା ସହିତ ନାବାଳକ ମାନଙ୍କୁ ଗାଡି ଚାଳନା ନିମନ୍ତେ ପ୍ରଦାନ ନ କରିବାକୁ ଜନତାଙ୍କୁ ଆହ୍ୱାନ କରାଯାଇଛି।
Popular Categories
Previous article
Next article