ଚିକିଟି : ଟ୍ରକ ଧକ୍କାରେ ମହିଳାଙ୍କ ମୃତ୍ୟୁ । ଘଟଣା ଘଟିଛି ଚିକିଟି ପେଣ୍ଠ ବଜାରରେ । ଆଜି ଦିନ ପ୍ରାୟ ୧୧ ଟା ବେଳେ କେଲାଝୁରୀ ଗ୍ରାମର ବୋହୁ ମମତା ପ୍ରଧାନ (୩୦) ତାର ଭାଇ ସହ ଚିକିଟି ଆନ୍ଦ୍ର ବ୍ୟାଙ୍କକୁ ବାଇକରେ ଆସୁଥିବା ବେଳେ ଏକ ଘରୋଇ ଫାଇନାନ୍ସ ଆଗରେ ଦୁର୍ଘଟଣାର ଶିକାର ହୋଇଥିଲେ । ବାଇକ କୁ ଓଭର ଟେକ କରି ଟ୍ରକ ଟି ଯାଉଥିବା ବେଳେ ବାଇକ କୁ ଘୋଷାରି ନେଇଥିଲା ଫଳରେ ପଛରେ ବସିଥିବା ମହିଳା ଜଣକ ଟ୍ରକ ଚକାତଳେ ପଡି ଯାଇଥିଲେ । ଟ୍ରକ ର ଚକ ମହିଳାଙ୍କ ମୁଣ୍ଡ ଉପରେ ଚଢିଯାଇଥିଲା । ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ଖବର ପାଇ ଚିକିଟି ଫାଣ୍ଡି ଅଧିକାରୀ ଓ ନୂଆଗାଁ ପୁଲିସ ପହଞ୍ଚି ଶବ ଜବତ କରି ବ୍ୟବଛେଦ ପାଇଁ ପଠାଇବା ସହ ଉଭୟ ବାଇକ ଓ ଟ୍ରକ କୁ ଜବତ କରି ତଦନ୍ତ କରୁଥିବା ସୂଚନା ଦେଇଛନ୍ତି । ଫାଣ୍ଡି ଅଧିକାରୀ ବିଜୟ କୁମାର ପ୍ରଧାନ ।ଦୀର୍ଘ ସମୟ ଧରି ବଜାରରେ ଟ୍ରାଫିକ ସମସ୍ୟା ଦେଖାଦେଇଥିଲା । ଚିକିଟି ବଜାରରେ ସଂକୀର୍ଣ୍ଣ ରାସ୍ତା ଓ ଅସମ୍ଭାଳ ଭିଡ଼ ଯୋଗୁଁ ଏହି ଦୁର୍ଘଟଣା ଘଟିଛି ବୋଲି କୁହାଯାଉଛି । ବଜାରରେ ବାଇକ ଚାଳକ ମାନେ ବିଭିନ୍ନ ଦୋକାନ ଆଗରେ ବାଇକ ପାର୍କିଂ କରୁଥିବାରୁ ରାସ୍ତା ଜାମ ହେଉଛି ।
Popular Categories
Previous article
Next article