ବଲାଙ୍ଗିର: ପୁଣି କଫ ସିରପ ମାଫିଆ ବଲାଙ୍ଗିର ସହରାଞ୍ଚଳ ପୁଲିସ ହାତରେ ଧରାପଡିଛନ୍ତି। ଉପଖଣ୍ଡ ପୁଲିସ ଅଧିକାରୀ (ଏସ୍ଡିପିଓ) ତୋଫାନ ବାଗଙ୍କ ସୂଚନା ଅନୁସାରେ ଗୁରୁବାର ରାତି ସାଢେ ୮ଟା ସମୟରେ ସ୍ଥାନୀୟ ବରପାଲିପଡ଼ାରୁ ଏକ ବାଇକରେ ୩ଜଣ ଯୁବକ ୨୦୪ ବୋତଲ କଫ ସିରପ, ୩ ଲିଟର୍ ଖୋଲା ନିଶା ସାମଗ୍ରୀ ସହ ନଗଦ ୬ ହଜାର ୬୨୫ ଟଙ୍କା ଜବତ କରାଯାଇଛି। ଏହି ମାମଲାରେ ବିଭୂତିପଡ଼ାର ସୁରଜ ମେହେର, ରାଜା ମେହେର ତଥା ଇନ୍ଦିରା ନଗରର ସରୋଜ ବିଶିଙ୍କୁ ଗିରଫ କରାଯାଇଛି।
ସୂଚନାଯୋଗ୍ୟ ଯେ, ବୁଧୁବାର ରାତିରେ ପୁଇଁନ୍ତଲା ପୁଲିସ ସୋନପୁର ରାସ୍ତାରେ ଥିବା ଟୋଲ ଗେଟ୍ ନିକଟରୁ ୪୫୫ ବୋତଲ କଫ ସିରଫ ସହ ୪ ଜଣଙ୍କୁ ଗିରଫ କରିଥିଲା। ସେହିପରି ଗତକାଲି (ଗୁରୁବାର) ରାତିରେ ଗିରଫ ହୋଇଥିବା ଅନ୍ୟ ୩ କଫ ସିରପ ଚାଲାଣକାରୀଙ୍କୁ କୋର୍ଟ ଚାଲାଣ କରାଯାଇଛି।
