କଲମ୍ବୋ : ଶ୍ରୀଲଙ୍କାର ଜାତୀୟ ବିମାନ ସେବାରେ ବିମାନ ଯାତ୍ରୀଙ୍କୁ ଦିଆଯାଉଥିବା କାଜୁ ଖାଇବା ଯୋଗ୍ୟ ନୁହେଁ ବୋଲି ଦେଶର ରାଷ୍ଟ୍ରପତି ମୈତ୍ରିପାଳ ସିରିସେନାଙ୍କ ମନ୍ତବ୍ୟ ପରେ କର୍ତ୍ତୃପକ୍ଷ ଏହାକୁ ତୁରନ୍ତ ବନ୍ଦ କରିଦେଇଛନ୍ତି। ସୋମବାର ସିରିସେନା କହିଥିଲେ ଯେ ‘ମୁଁ କାଠମାଣ୍ଡୁରୁ ବିମାନରେ ଫେରୁଥିବାବେଳେ ଯେଉଁ କାଜୁ ଦିଆଯାଇଥିଲା ତାହା ଏତେ ନିମ୍ନ ମାନର ଥିଲା ଯେ କୁକୁର ବି ଖାଇବ ନାହିଁ। ଏହି କାଜୁ କିଣିବା ପାଇଁ କିଏ ଅନୁମତି ଦେଇଥିଲା ତାହା ମୁଁ ଜାଣିବାକୁ ଚାହୁଁଛି।’ ରାଷ୍ଟ୍ରପତିଙ୍କ ଏଭଳି ମନ୍ତବ୍ୟ ପରେ ବୁଧବାର ସମ୍ପୃକ୍ତ କାଜୁ ଯୋଗାଇଥିବା ଦୁବାଇ ସଂସ୍ଥାକୁ ହଟାଇ ଦିଆଯାଇଛି।
