ଗାନ୍ଧିନଗର : ଗୁଜରାଟର ପଟିଦାର ନେତା ହାର୍ଦିକ ପଟେଲ ଦୀର୍ଘ ୧୯ ଦିନ ପରେ ବୁଧବାର ତାଙ୍କ ଅନଶନ ଭାଙ୍ଗିଛନ୍ତି। ଲେଉଭା ଓ କଡଭା ପଟିଦାର ସମ୍ପ୍ରଦାୟର ଦୁଇଟି ଗୁରୁତ୍ୱପୂର୍ଣ୍ଣ ଧାର୍ମିକ ପୀଠ ଖୋଦାଲଧାମ ଏବଂ ଉମିୟାଧାମର ନେତାମାନଙ୍କ ଅନୁରୋଧକ୍ରମେ ସେ ଏହି ଅନଶନ ଭାଙ୍ଗିବାକୁ ସହମତ ହୋଇଥିଲେ। ପଟିଦାର ସମ୍ପ୍ରଦାୟ ପାଇଁ ସଂରକ୍ଷଣ ବ୍ୟବସ୍ଥା ତଥା କୃଷକଙ୍କୁ ଋଣଛାଡ ଦାବିରେ ସେ ଅଗଷ୍ଟ ୨୫ରୁ ଅହମ୍ମଦାବାଦର ବୈଷ୍ଣୋଦେବୀ ସର୍କଲସ୍ଥିତ ନିଜ ବାସଭବନଠାରେ ଆମରଣ ଅନଶନ ଆରମ୍ଭ କରିଥିଲେ। ପରେ ସେ ପଟିଦାର ଅନାମତ ଆନ୍ଦୋଳନ ସମିତି (ପାସ୍)ର ଆବାହକ ଅଳ୍ପେଶ କାଥିରିଆଙ୍କୁ କାରାମୁକ୍ତ କରିବାକୁ ମଧ୍ୟ ଦାବି ଉଠାଇଥିଲେ। ଗୁଜରାଟ ସରକାରଙ୍କ ପକ୍ଷରୁ ଅଣାଯାଇଥିବା ଏକ ଅଭିଯୋଗ କ୍ରମେ ଅଳ୍ପେଶଙ୍କୁ ଅଗଷ୍ଟ ୧୯ରେ ଗିରଫ କରାଯାଇଥିଲା।
Popular Categories
Previous article
Next article