ମୁମ୍ବଇ .- ମରାଠାମାନଙ୍କୁ ସଂରକ୍ଷଣ ଦାବିରେ ମହାରାଷ୍ଟ୍ରରେ ଏବେ ଆନ୍ଦୋଳନ ଜୋରଦାର ଚାଲିଛି । ଏଥିଯୋଗୁଁ ଅନେକ ଲୋକ ଆତ୍ମହତ୍ୟା କରିଛନ୍ତି । ଏହି ଆନ୍ଦୋଳନକୁ ସମର୍ଥନ ଜଣାଇ ଜଣେ ୧୭ ବର୍ଷିୟା ନାବାଳିକା ଆତ୍ମହତ୍ୟା କରିଥିବା ଘଟଣା ସାମ୍ନାକୁ ଆସିଛି । ମହାରାଷ୍ଟ୍ରର ଅହମଦନଗର ଜିଲାରେ ଏହି ଘଟଣା ଘଟିଛି । ନାବାଳିକା ଜଣଙ୍କ ଏହି ପୂର୍ବରୁ ଏକ ପତ୍ର ଛାଡିଯାଇଥିବା କଥା ଅହମଦନଗର ଏସ୍ପି ରଞ୍ଜନ କୁମାର ଶର୍ମା କହିଛନ୍ତି ।
ଏକାଦଶ ଶ୍ରେଣୀରେ ପଢୁଥିବା ଏହି ନାବାଳିକା ଆତ୍ମହତ୍ୟା କରିବା ସହ ଏକ ପତ୍ର ଛାଡିଯାଇଛନ୍ତି । ସଂରକ୍ଷଣ ଯୋଗୁଁ ସେ ୮୯ ପ୍ରତିଶତ ରଖିଥିଲେ ମଧ୍ୟ ବିଜ୍ଞାନରେ ନାମ ଲେଖାଇ ପାରି ନ ଥିଲେ । ମାତ୍ରସଂରକ୍ଷଣ ଯୋଗୁଁ ତାଙ୍କ ଠାରୁ ଅତି କମ୍ ମାର୍କ ରଖି ଅନେକ ବିଜ୍ଞାନ ପଢିଥିଲେ । କେବେଳ ସେତିକି ନୁହେଁ ସେମାନଙ୍କୁ ଅର୍ଥରାଶି ପଢିବା ପାଇଁ ଦିଆଯାଉଥିବା ବେଳେ ତାଙ୍କ ବାପା କୃଷକ ଓ ପଢା ପାଇଁ ବହୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡୁଛି ବୋଲି ସେ ଆତ୍ମହତ୍ୟା କରିବା ପୂର୍ବରୁ ଏହି ପତ୍ରରେ ଉଲ୍ଲେଖ କରିଥିବା ଦେଖିବାକୁ ମିଳିଛି ।