ତିଗିରିଆ: ବିନ୍ଧାଣିମା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ତିଗିରିଆର ବିଭିନ୍ନ ଡାକ୍ତରଖାନା ଏବଂ ସ୍ୱାସ୍ଥ୍ୟ ଆରୋଗ୍ୟ କେନ୍ଦ୍ରରେ ବୁଧବାର ବିଶ୍ୱ ଏଡ଼୍ସ ଦିବସ ବୁଧବାର ପାଳିତ ହୋଇଯାଇଛି। ତିଗିରିଆ ସ୍ୱାସ୍ଥ୍ୟ ଅଧିକାରୀ ଡାକ୍ତର ବିଶ୍ୱବିକାଶ ରାଉତରାୟଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମ ବ୍ଲକର ବିଭିନ୍ନ ସ୍ୱାସ୍ଥ୍ୟ ଆରୋଗ୍ୟକେନ୍ଦ୍ର ଯଥା ତିଗିରିଆ, ନୂଆପାଟଣା, ପାଞ୍ଚଗାଁ, ବାସୁଦେବପୁର, ଗଦାଧରପୁର ଏବଂ ବଡ଼ନାଉପୁଟ ଠାରେ ଅନୁଷ୍ଠିତ ହୋଇଥିଲା। ସେହିଭଳି ତିଗିରିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଠାରେ ଆୟୋଜିତ କାର୍ଯ୍ୟକ୍ରମରେ ନିଜେ ସ୍ୱାସ୍ଥ୍ୟ ଅଧିକାରୀ ଡାକ୍ତର ଶ୍ରୀ ରାଉତରାୟ ଉପସ୍ଥିତ ରହି ଏଡ଼୍ସ ରୋଗର ଲକ୍ଷଣ, ଭୟାବହତା ଏବଂ ସଚେତନତା ବିଷୟରେ ଆଲୋଚନା କରଥିବା ବେଳେ ସ୍ୱାସ୍ଥ୍ୟ ଆରୋଗ୍ୟ କେନ୍ଦ୍ରଗୁଡ଼ିକରେ କାର୍ଯ୍ୟକ୍ରମରେ ଉପସ୍ଥିତ ଗ୍ରାମାଞ୍ଚଳର ଜନସାଧାରଣଙ୍କୁ ସଚେତନ କରାଯାଇଥିଲା। ଏହି ସମସ୍ତ କାର୍ଯ୍ୟକ୍ରମରେ ବିଭିନ୍ନ ସ୍ଥାନରେ ଜନସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ବିଦ୍ୟୁତ୍ପ୍ରଭା ନନ୍ଦ, ସ୍ୱାସ୍ଥ୍ୟ ପର୍ଯ୍ୟବେକ୍ଷକ ତ୍ରିଲୋଚନ ବାରିକ, ଅକ୍ଷୟ କୁମାର ଭୁଜବଳ, ପ୍ରବୋଧ କୁମାର ପଣ୍ଡା, ସୁଧିର କୁମାର ପରିଡ଼ା, ଆୟୁଷ ଡାକ୍ତର, ସ୍ୱାସ୍ଥ୍ୟକର୍ମୀ, ଆଶା, ଅଙ୍ଗନବାଡ଼ି କର୍ମୀ ପ୍ରମୁଖ ଯୋଗଦେଇଥିଲେ।
Popular Categories
Previous article
Next article