ଚୌଦ୍ୱାର: ଇମ୍ଫା ଶିଳ୍ପଗୋଷ୍ଠିର ୬୦ତମ ପ୍ରତିଷ୍ଠା ଦିବସ ଚୌଦ୍ୱାରସ୍ଥିତ କାରଖାନା ପରିସରରେ ପାଳିତ ହୋଇ ଯାଇଛି। କରୋନା କଟକଣା ହେତୁ ନିରାଡମ୍ବର ଭାବେ ପାଳିତ ହୋଇଥିବା ଏହି କାର୍ଯ୍ୟକ୍ରମରେ ମୁଖ୍ୟ ଆର୍ଥିକ ଅଧିକାରୀ ପ୍ରେମ୍ ଖଣ୍ଡେଲୱାଲ ଓ ଉପ ସଭାପତି ବିନୟ ଅଗ୍ରୱାଲ ଅତିଥି ଭାବେ ଯୋଗଦେଇ ଶିଳ୍ପଗୋଷ୍ଠିର ପ୍ରତିଷ୍ଠାତା ଡ. ବଂଶୀଧର ପଣ୍ଡାଙ୍କ ପ୍ରତିମୁର୍ତ୍ତିରେ ମାଲ୍ୟାର୍ପଣ କରିବା ସହିତ କାରଖାନାର ଶ୍ରମିକ କର୍ମଚାରୀ ଓ ପରିଚାଳନା କତ୍ତୃପକ୍ଷଙ୍କ ମଧ୍ୟରେ ସୁସଂପର୍କ ବଜାୟ ରଖି କାର୍ଯ୍ୟକରିବାକୁ ପରାମର୍ଶ ଦେଇଥିଲେ। ଏହି ଅବସରରେ କମ୍ପାନୀରେ ୧୦, ୧୫, ୨୦,୨୫ ଓ ୩୦ ବର୍ଷ କାର୍ଯ୍ୟ କରିଥିବା ମୋଟ ୧୨୯ ଜଣଙ୍କୁ ଅତିଥି ମାନେ ସମ୍ମାନିତ କରିଥିଲେ। ଇମ୍ଫାର ମାନବ ସମ୍ବଳ ପ୍ରଶାସନିକ ଅଧିକାରୀ ଜି. ସାରଦା ପ୍ରସାଦ ରାଓଙ୍କ ନେତୃତ୍ୱରେ ଡେପୁଟି ଜେନେରାଲ ମ୍ୟାନେଜର ଧ୍ରୁବ ଚରଣ ରାଉତ, ଅନୀଲ ଗୋସ୍ୱାମୀ, ସୁଶାନ୍ତ ଲେଙ୍କା, ରସାନନ୍ଦ ପ୍ରଧାନ, ଅକ୍ଷୟ କର, ସନାତନ ସାମଲ, ରାଜେଶ ଦାସ, ଜୟନ୍ତ ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।
Popular Categories
Previous article
Next article